Биләр авылында ял базасын киңәйтәчәкләр

Биләр авылыннан Зиннәтуллиннар гаиләсе Россия Федерациясе Авыл хуҗалыгы министрлыгы грантына ия булды. Республикадан сигез заявканың икесендә генә оттылар, шуларның берсе безнең районнан.

Алынган акчалар «Страусы Биляра» эко-фермасын киңәйтүгә юнәлдереләчәк.

«Быел без Россия Федерациясе Авыл хуҗалыгы министрлыгының авыл туризмы проектларын ТР Авыл хуҗалыгы министрлыгы линиясе буенча «Эко-ферма белән Биләр » ял базасы проекты белән конкурс нигезендә сайлап алуда катнаштык.Аны уңышлы үттек һәм 8 млн. сум күләмендә «Агротуризм» грантын оттык. Грант акчасына туристлар ел әйләнәсендә яшәүче өч модульле йорт төзеләчәк, ял зоналары төзекләндереләчәк, коммуникацияләр һәм яктырту үткәреләчәк. Шулай ук спорт инвентаре прокаты да оештырылачак», - ди Наталья Зиннәтуллина. Зиннәтуллиннар шулай ук 4 йокы бүлмәсенә кунак йорты ачтылар.

«Биләр һәм, аерым алганда, бу эко-ферма бөтен Татарстан һәм башка төбәкләрдән туристлар арасында популяр юнәлеш булып тора. Быел фермага 7 меңгә якын кеше килде. Ә узган ел бу сан 2,5 мең кеше тәшкил итте, бу кызыксыну арту турында сөйли, һәм безгә эшлисе нәрсәләр бар», - ди туризм белгече Людмила Клюшкина.