Кырда эш бер таңнан икенче таңга кадәр бара
9 октябрьдә Авыл хуҗалыгы һәм эшкәртү сәнәгате хезмәткәрләре көне билгеләп үтелде.
Безнең чынбарлыкта бу тармакның ил тормышы өчен әһәмияте беренче планга чыга, чөнки азык-төлек иминлегенә турыдан-туры Россия суверенитеты бәйле. Алексеевскилылар, һәркем үз урынында, агросәнәгать комплексы эшенә зур өлеш кертә, җәмгыятьне авыл хуҗалыгы продукциясе белән тәэмин итүгә зур көч куя. «Красный Восток» һәм «Алексеевское» предприятиеләре механизаторлары төнлә дә туңга сөрү эшен оештырган һәм әлеге эш көндез дә төнлә дә туктамый. «Северное Алексеевское» ВЗП хезмәткәрләре туфракны ике сменада эшкәртү эшен оештырдылар. Алар туры мәгънәдә таңнан таңга кадәр эшлиләр:иртәнге биштән кичке бишкә кадәр һәм иртәнге 17.00 дән 5кә кадәр. Алар арасында Алексей Вашарин да бар, ул төнге сменага Сахаровка янында керде. Эш башланыр алдыннан механизатор «Ростсельмаш» тан энергиягә бай тракторны карады, двигательгә май өстәде һәм, сабан төеннәрен тикшереп, эшкә кереште. Зур тәҗрибә, шулай ук көчле яктырту приборлары һәм заманча электроника Алексей Вашаринга эшне тәүлекнең караңгы вакытында сыйфатлы башкарырга ярдәм итә. Бу хуҗалыкта туфракны эшкәртүгә барлыгы 6 трактор җәлеп ителгән, шуларның икесе төнлә эшли.
Шундый ук эш «Алексеевское » ХП да оештырылган, анда басуларда көндез-10, төнлә 8 трактор эшли.