Алексеевск районы Войкино авылында, Актай елгасы ярында, чираттагы Хәтер вахтасы тәмамланды
Татарстанның сигез отряды (Алексеевск, Спас, Лаеш, Әлки районнарыннан) барлыгы илледән артык кеше эзләү эше алып барды, алар ел саен биредә 1918-1921 елгы Гражданнар сугышы корбаннарының калдыкларын эзләүгә җыела.
Быел эзтабарлар табышы дүрт кеше калдыклары һәм Россия патша армиясе үрнәгендәге ат сбруе булган. Тәҗрибәле эзләнүче Илья Прокофьев әлеге табыш музей булдыруга нигез салыр дигән ышаныч белдерде.
Район башлыгы Сергей Демидов Яшь патриотлар һәм аларның тәҗрибәле остазлары белән очрашты.
«Сез бик игелекле эш белән шөгыльләнәсез. Сезнең тырышлыгыгыз һәм өлешегез аркасында Гражданнар сугышы солдатлары тынычлык табачак һәм җиргә иңдереләчәк. Хезмәтегез һәм тарихка битараф булмавыгыз өчен рәхмәт», - диде эзтабарларга Сергей Демидов.
Корбаннарның җәсәде җирле Караваево зиратына күчереп күмеләчәк, анда бүгенге көндә алтмышлап кеше ята инде.
«Соңгы солдат күмелгәнче сугыш тәмамланмаган санала », - дип йомгак ясады очрашуга Дан орденының тулы кавалеры М.С. Шляпников исемендәге «Яшьармияче »эзләү отряды сугышчысы Артем Лаврентьев. Егет елдан-ел Татулык һәм Бердәмлек вахтасында катнаша, шулай ук казу эшләренә регионнан читтә дә чыга. «Мин күптәннән тарих белән кызыксынам. Миңа барысы да гел бер түгел. Тарихи әйберләр эзләү һәм калдыкларны яңадан күмүгә-мин хезмәтемнең бер өлешен кертүемә бик шат ».