Имамнар өчен уникаль мастер-класс
Татарстан Республикасы Президенты каршындагы татар телен һәм телләрен саклау һәм үстерү комитеты һәм шәхсән Марат Готыф улы Әхмәтов инициативасы белән, мөселманнарның Диния нәзарәте белән килешү буенча Казан мәдәният институты педагоглары республика имамнары өчен ораторлык сәнгате буенча дәресләр үткәрәләр.
Укуларны Илсөяр Шиһапова - педагогика фәннәре кандидаты, шагыйрә, КазГИК укытучысы, Земфира Ибәтова - педагогика фәннәре кандидаты, доцент, КазГИК укытучысы үткәрде.
"Менә бүген без сезнең мөхтәсибәт имамнары белән мастер-класс үткәрәбез. Имамнар барысы да булдыклылар, тырышалар, чөнки аларга биш тапкыр азан әйтергә туры килә, анда дөрес сулыш кирәк. Вәгазьләр сөлиләр, анда да оратор осталыгы кирәк . Бүгенге аралашу бер көн белән генә чикләнмәячәк, ә дәвам итәр дип өметләнәбез", - диде Илсөяр Шиһапова.
Лекция чыгыш ясау сәнгате, логик яктан дөрес фикерне җиткерү, текст язу тәртибе, сөйләм үзенчәлекләре, тавышларның дөрес яңгыравы һәм кешеләр алдында үз-үзеңне тоту, киеренкелекне бетерү серләре һәм диафрагма белән дөрес сулыш алу турында барды.
Рөстәм хәзрәт Вальщиков: "Без республика Президенты Рөстәм Миңнехановка һәм ТР Дәүләт Советы Рәисе урынбасары Марат Әхмәтовка, ТР мөселманнары Диния нәзарәте рәисе Камил Сәмигуллинга мөмкинлек биргәне өчен бик рәхмәтле.
Чыннан да, имамнар төрле чараларда төрле аудиторияләр, төрле категория гражданнар алдында чыгыш ясарга туры килә дип әйтә алам. Халык алдында сөйләргә әзерләнү физик һәм эмоциональ яктан да бик мөһим. Менә укытучылар билгеләп үткәнчә, физик җылыну, җылытылган тавыш җепселләре, иреннәр һәм дикцияне ачыклау өчен телне җылыту бик мөһим.
Беренче дәрес үзең һәм аудитория белән идарә итү, тавыш белән идарә итү, дөрес сулыш алу, кимчелексез дикция буенча тренингларга багышланган иде. Икенче дәрес сөйләм логикасына багышланган иде. Вәгазьнең бер тексты мисалында имамнар логик анализ һәм мәгънәле фикер җиткерергә өйрәнделәр.
Нургаян абый Исхаков мастер-класста катнашудан алган тәэсирләре белән уртаклашты:
“Минем өчен иң мөһим яңалык - диафрагма белән суларга өйрәнү, аерым хәрефләр һәм сүзләр әйтелеше белән танышу. Без оештыручыларга һәм командага шундый матур чара өчен бик рәхмәтле. Тагын бер кат өйрәнерлек нәрсәләр барлыгына инанабыз.