Электрон рәвештә хезмәт күрсәтү турында

Дәүләт һәм муниципаль органнар һәм учреждениеләр эшчәнлегенең мөһим юнәлеше-электрон формада хезмәт күрсәтү. Дәүләт һәм муниципаль хезмәт күрсәтүләрне электрон рәвештә  күрсәтү дигәндә югарыда күрсәтелгән хезмәтләрне мәгълүмати-телекоммуникация технологияләрен кулланып шул исәптән, Бердәм дәүләти һәм муниципаль хезмәтләр порталын (www.gosuslugi.ru) кулланып күрсәтү аңлашыла.

Дәүләт хезмәтләрен электрон рәвештә алуның өстенлекләре ачык:

Хезмәтләрне алу уңайлы: дәүләт хезмәтен күрсәтүче хакимият органына шәхсән барырга кирәкми. Сезнең порталга керү билгеле бер урынга һәм эш режимына бәйләнмәгән һәм һәрвакыт кул астында-компьютер, планшет яки смартфон булсын;
Хезмәт күрсәтү кагыйдәләре ачык һәм уңайлы: Бердәм порталда сез һәр хезмәтнең тулы тасвирламасын табарсыз, кирәкле документлар исемлеге, теге яки бу хезмәтне алу вакыты һәм ысуллары турында мәгълүмат. Моннан тыш, сез һәрвакыт шәхси кабинетта гаризаны карау барышын белә аласыз;
Уңайлы гариза формалары: Порталда гариза тутырып, дөрес язмыйча яки хата җибәреп,«бланкны бозу» мөмкин түгел, аны төзәтү җиңел! Гариза формалары интуитив аңларлык һәм логик;
Моннан тыш,электрон рәвештә  дәүләт хезмәтләре отышлы! Дәүләт пошлиналарын БДХП да түләгән вакытта   кулланучылар 30% ташлама ала.

Әле күптән түгел генә теләсә нинди дәүләт хезмәтен алуга күп вакыт китә иде, эштән сорарга, чиратта торырга, күп кенә бланкларны тутырырга туры килде, электрон рәвештә алынган хезмәтләрне бер тапкыр миграция бүлегендә булганда алырга мөмкин (чит ил паспортыннан кала, 2 мөрәҗәгать кирәк). Дәүләт хезмәте күрсәтүнең бөтен срогында мөрәҗәгать итүченең паспорты үзендә тора. Бу паспортны даими куллану белән бәйле кешеләр өчен аеруча уңайлы. Мисал өчен яшәү урыны буенча теркәү исәбенә дәүләт хезмәтен алганда әгәр гражданин КФҮ яки торак оешмасына мөрәҗәгать итсә, гариза белән бергә паспортны тапшыра һәм аны 6 көннән соң гына ала. Электрон гариза биргән очракта, хезмәт миграция хезмәте бүлекчәсендә 15 минут эчендә күрсәтелә. Паспортны БДХП  аша алыштыруга гариза биргәндә, гражданин миграция бүлекчәсенә мөрәҗәгать иткән көнне яңа паспорт алачак һәм бу 1 сәгатьтән дә артмаячак.

Интернет - порталда теркәлгән һәр кеше түбәндәге адрес буенча: http://www.gosuslugi.ru порталның барлык хезмәтләреннән файдалана, шул исәптән Россия Эчке эшләр министрлыгы күрсәтелүче хезмәтләрдән дә, аерым алганда, Алексеевск районы буенча Россия ЭЭМ миграция пунктыннан да файдалана ала.

Дәүләт һәм муниципаль хезмәтләрнең бердәм порталы аша гариза бирергә мөмкин:

- РФ гражданины паспортын алыштыруга;

- 5 елга чит ил паспортын рәсмиләштерү һәм бирү өчен;

- 10 елга чит ил паспортын рәсмиләштерүгә һәм бирүгә (анда электрон йөртүчеләр бар);

- тору урыны һәм яшәү урыны буенча РФ гражданнарын теркәү исәбенә кую һәм учеттан төшерү турында;

- адреслы-белешмә мәгълүмат алу өчен;

- Россия Федерациясенә чит ил гражданнарын һәм гражданлыгы булмаган затларны кертүгә чакыруларны рәсмиләштерүгә һәм бирүгә .

Миграция өлкәсендә башка хезмәтләр алу өчен кабул итүгә БДХП аша шәхси килүне сайлап яки (8843-41) 2-31-46 телефоны буенча язылырга мөмкин. Алдан язылу гражданнарга үз вакытларын янга калдырырга һәм чиратлар барлыкка килүне кисәтергә мөмкинлек бирәчәк. Гражданнарга уңайлы булсын өчен, миграция пунктының эш режимы дүшәмбе кичендә 15.00 сәгатьтән 19.00 сәгатькә кадәр һәм эш көне булмаган көнне – шимбә көнне 8.00 сәгатьтән 12.00 сәгатькә кадәр кабул ителә.