Өй саласы калды

Алексеевск районының күп балалы гаиләләре җир 
 сайлап бүлештеләр.
Төзелеш өчен участоклар Лебяжье авыл җирлегендә урнашкан.
Ун биш күп балалы гаилә Лебяжьеда җир кишәрлегенә ия булды. Һәр гаилә чираттагы эзлеклелек тәртибендә иң ошаган участокны сайлады. Башкарма комитет җитәкчесе урынбасары Руслан Язынин хәбәр иткәнчә, бу участокларга газ кертелгән һәм гариза буенча электр тоташтырылачак. Шулай ук ул бүгенге көннән участок алу өчен чиратка басу өчен комиссия узарга кирәк булачагын билгеләп үтте,ул гаилә төзелеш өчен җир алырга чыннан да мохтаҗмы икәнлеген билгелиячәк.
Шунысын да билгеләп үтәргә кирәк, беренче булып участокны сайлау хокукы элек барлык  документларны да тапшырган исемлектә беренче булып торучы гаиләләрдә булды. 
Беренче булып почмак участогын сайлаган Шакировлар гаиләсе булды.
«Безнең кишәрлекне үзебез сайлый алуыбыз-бу бик яхшы. Ун сутый мәйданлы кишәрлек ошый. Төзербез, яшәрбез, балаларга да үзебездән соң нәрсә дә булса калдырырбыз дип өметләнәм»,-дип уртаклашты Татьяна.