Төзелешләр,төзелешләр,төзелешләр...
Төзүчеләрнең җәйге сезоны-кызу вакыт. Безнең районда яңа объектлар торгызу дәвам итә һәм искеләре ремонтлана.
Көзгә үк боз аренасын төзеп бетерү планлаштырыла. Грандиоз корылма 3000 кешене сыйдыра ала. Боз кырыннан тыш, бинада гардероб һәм вестибюль, хоккейчылар өчен дүрт киенү-чишенү бүлмәсе, медицина кабинеты, тимераякларны прокатка алу бүлмәсе, санузеллар, душ бүлмәләре һәм кар чистарту машинасы өчен бүлмә урнашачак. Төзелеш эшләренә 40 тан артык кеше җәлеп ителгән. Төзелеш эшләреннән тыш, биредә керү юлларын җәю эшләре бара.
Алексеевск 1 нче мәктәбендә ремонт эшләренең кызган вакыты. Бу районның иң зур мәктәбе. 1-нче сентябрьдә укучылар яңа уку елын танымаслык итеп яңартылган бинада башлап җибәрсеннәр өчен,барлык эшләр дә график буенча алып барыла. Биредә үк азык-төлек блогына капиталь ремонт ясала. Ә район үзәгенең икенче мәктәбендә укучылар өчен бик кирәк булган спорт залы төзелеше тәмамланып килә.
Көзгә капиталь ремонттан соң район Мәдәният йорты да үз ишекләрен ачачак. Моны мәдәният өлкәсе хезмәткәрләре түземсезлек белән көтә.
Алексеевск РҮХдә лаборатория һәм поликлиникага капиталь ремонт бара. Пациентлар инде беренче катта косметик ремонтны бәяләргә өлгерделәр. Хәзер үзәк район хастаханәсе бинасы медучреждениенең барлык стандартларына туры киләчәк.
Ялкын һәм Речное авылларында авыл мәктәпләре ныклап төзекләндерелә. Эшләрне шулай ук август аенда тәмамлау планлаштырыла. Ә Юеш Көрнәле мәктәбе янында «Родина» колхозы рәисе И.М. Әхмәтов ярдәме белән яңа спорт мәйданчыгы барлыкка килде.
Биләрдә «Яшьармеец»патриотик клубы өчен бина яңартыла. Ә Кызыл Баран һәм Горка авылларында тиздән яңа фельдшер-акушерлык пунктлары барлыкка киләчәк.
Безнең районда биналар һәм социаль объектлар төзү һәм капиталь ремонтлаудан тыш, урам утларын алыштыру, ГТС һәм су белән тәэмин итү челтәрләрен ремонтлау буенча эшләр бара.
Ә район авылларында гражданнарның үзара салым программасы буенча акчаларны үзләштерү эшләре башланды. Авыл һәм авылларда яшәүчеләр җыелган һәм арттырылган акчаларның нинди максатларга тотылачагын мөстәкыйль рәвештә ачыкладылар. Һәм менә подрядчылар юлларга вак таш җәя. Юл катламнары Ялкын, Речное, Гурьевка, Караваево һәм Языково авыл урамнарында барлыкка килде. Хәзер эшләр Александровка һәм Кызыл Баран авылларында алып барыла.