Алексеевск волейболчылары республика турнирында икенче булды.

Алексеевск волейболчылары республика турнирында икенче булды.
16 июльдә Казанда "ТЯГ яңа гасыр" хәрәкәтенең 20 еллыгына багышланган волейбол фестивале узды. Ярышларда 35 яшьтән өлкәнрәкләр булган Алексеевск волейбол ветераннары катнашты. Бәйрәмдә барлыгы 9 ир-ат һәм 9 хатын-кыз коллективы катнашты. "Безнең яшь төркемендә көндәшләре-Биектау командасы һәм Нурлат волейболчылары. Безгә бу турнирда җиңү өчен бераз җитмәде, чөнки кискен матчта без Биектауның дүрт тапкыр чемпион булган командасына оттырдык 0:2 (25:22 ,25:23). Нурлатны оту ,исәбе 2:1 (25:20,23:25 ,15:9) безнең командага 2 урында урнашырга мөмкинлек бирде", - дип хәбәр итте тренер Сергей Вангаев.