14 июльдән башлап Татарстан КФҮ каурыйлы киек кошларга ауга рөхсәт бирә башлый

14 июльдән КФҮ бер үк вакытта җәйге-көзге һәм көзге-кышкы ау чорында һәркемгә керергә рөхсәт ителгән аучылык җир-суларында ауларга рөхсәтнамә бирү өчен  гаризалар кабул итәчәк.
Ау вакыты:
Ау эте белән:
25 июльдән 5 декабрьгә кадәр-сазлык-болын киек кошларына.
5 августтан 5 гыйнварга кадәр- Урман (суерчык, көртлек, рябчик, вальдшнеп), дала һәм кыр киекләренә (соры тавык, бытбылдык, күгәрчен һәм горлица).
27 августтан 5 декабрьгә кадәр-суда йөзүче киек кошларга (казлар, үрдәкләр, юртаклар).
Ау этләреннән башка: 3 сентябрьдән 5 декабрьгә кадәр-суда йөзүче, сазлык-болыннар, дала һәм кыр киек кошларына.
3 сентябрьдән 5 гыйнварга кадәр-урман киек кошларына.
Рөхсәт алу өчен, аучылык итәргә җыенган районына карамастан, республика территориясендә күп функцияле үзәкнең теләсә кайсы филиалына мөрәҗәгать итәргә мөмкин.
Хезмәт күрсәтү өчен бирергә кирәк :
- шәхесне раслаучы документ (паспорт оригиналы);
-аучылык билеты (оригинал).
Рөхсәт алу вакытында  650 сум күләмендә дәүләт пошлинасы түләнә. Әгәр рөхсәтнамә көртлеккә бирелә икән, хайваннар дөньясы объектларыннан файдаланган өчен дә түләнә (20 сум).
Гариза бирүченең паспорт белешмәләре һәм ышанычлы зат күрсәтелгән гади язма ышанычнамәсе буенча аучы вәкиле (ышанычлы зат) рөхсәт алырга мөмкин.
Шулай ук аучылык билетының күчермәсен яки оригиналын күрсәтергә кирәк.