Рәхмәт,остаз!
Редакциягә Алексеевск аграр көллиятен тәмамлаучылар мөрәҗәгать итте. Район газетасы аша балалар яраткан остасы Нина Васильевна Мишечкинага белем һәм опека еллары өчен рәхмәт әйтәләр.
Алексеевск аграр көллиятендә дүрт ел белем алу сизелмичә дә үтеп китте. Санаулы көннәрдән соң без "Пешекче кондитер" белгечлеге буенча дипломнар алачакбыз һәм олы тормышка чыгачакбыз.
Без, 42 нче төркемне тәмамлаучылар, үзебез һәм әти-әниләребез исеменнән производствога өйрәтү остасы Нина Васильевна Мишечкинага олы рәхмәтебезне җиткерәбез. Пешекче эшенә өйрәтүнең беренче көннәреннән үк ул һәрберебезгә якын килү җаен тапты. Аның белән без хәтта шәхси серләребез белән дә бүлешә идек. Ул безнең турында барысын да белә иде. 35 ел гомерен яраткан Нина Васильевна педагог эшенә багышлаган. Аның укучылары ашханә, кафе, рестораннарда, безнең районда да, аннан читтә дә эшли. Аның укучылары-күп кенә һөнәри конкурсларда җиңүчеләр. Безнең нәтиҗәләр, бәяләүләр, җиңүләр һәм җиңелүләр өчен Нина Васильевна бөтен күңел белән борчылды. Кырыс, принципиаль, таләпчән, әмма шул ук вакытта бик игелекле һәм гадел, ул безне бергә берләштерә алды. Бары тик Нина Васильевнаның шушы сыйфатлары аркасында гына , без барыбыз да имтиханнарны уңышлы тапшырдык. Хөрмәтле Нина Васильевна, без сезне бик яратабыз һәм барысы өчен дә рәхмәтлебез!