"Чик йозакта"
Алексеевск һәм Биләрдә яшәүчеләр чик сакчыларын искә алдылар.
Чик сакчылары көнендә бу торак пунктларда истәлекле митинглар узды.
Алексеевскида Эчке эшләр министрлыгы ветераннары һәм сугышчы-интернационалистлар чик сакчыларын искә алдылар һәм Украинадагы Россия гаскәрләрен хупладылар.
28 май көнне Җиңү паркында Эчке эшләр министрлыгының гамәлдәге хезмәткәрләре һәм ветераннары, Әфганстанда һәм Төньяк Кавказда сугыш хәрәкәтләрендә катнашучылар һәм ДОСААФ хезмәткәрләре җыелды. Эчке эшләр министрлыгының бүлек начальнигы Радик Әхмәтҗанов чик буе гаскәрләрендә хезмәт итеп кайткан алексеевскилыларны бәйрәм белән котлады. Митингта катнашучылар Украинадагы махсус операция вакытында һәлак булганнар истәлегенә сугышчы-интернационалист һәйкәленә чәчәкләр салдылар. Шулай ук алексеевскилылар чик сакчылары һәм Бөек Ватан сугышы ветераннарын искә алдылар, чик буе баганасына һәм Мәңгелек утка чәчәкләр салдылар.
Биләрнең Җиңү Паркында чик буе гаскәрләрендә хезмәт иткән кешеләр килде.
Аларны бәйрәм белән авыл җирлеге башлыгы Галим Хәбибуллин котлады. Митингта катнашучылар чик сакчылары монументына чәчәкләр куйдылар һәм һәлак булган чик сакчыларын искә алдылар.