«Куркынычсыз каникуллар " акциясе үткәрү
2006 елдан бирле үткәрелә торган «Куркынычсыз каникуллар» акциясенең максаты-балалар электротравматизмын профилактикалау. «Сетевая компания» ААҖ хезмәткәрләре оештырган акция кысаларында республика мәктәпләрендә һәм лагерьларында таныштыру лекцияләре уза.
Акциянең максаты-балаларны электр-көнкүреш приборларыннан файдаланганда куркынычсызлыкка өйрәтү, шулай ук электр җайланмалары янында үз-үзеңне тоту белән бәйле күнекмәләрне ныгыту.
Хезмәтне саклау һәм бүлү челтәрләре хезмәте белгечләре яшьләр һәм профсоюз комитетлары белән берлектә балалар һәм яшүсмерләр өчен мәгълүмати-профилактик дәресләр үткәрәләр. Мондый очрашулар оештырып, энергообъектларда бәхетсезлек очраклары барлыкка килү куркынычы шактый кими.
«Сетевая компания» ААҖ филиалы Чистай электр челтәрләре инструкторлары төркеме филиалның хезмәт күрсәтү зонасында урнашкан гомуми белем бирү мәктәпләренә, балалар сәламәтләндерү лагерьларына һәм интернатларга йөри, аерым алганда: Чистай, Нурлат, Спас, Алексеевск, Әлки, Аксубай һәм Яңа Чишмә районнарында.
Филиалның яшь белгечләре балаларга уен формасында өйдә һәм урамда электр тогы белән эш итүнең төп кагыйдәләре турында сөйлиләр.
Алар, ни өчен трансформатор подстанцияларына һәм өзелгән электр чыбыкларына якын килергә ярамаганлыгын , җирдә яткан чыбыктан ничек дөрес итеп куркыныч булмаган ераклыккка ерагаю турында, куркыныч урын турындагы билгеләр нәрсә аңлата һәм ни өчен энергетика объектларында аларның кулланылганын аңлаталар. Шуны да билгеләп үтәргә кирәк, электр куркынычсызлыгы кагыйдәләре турында аңлату әңгәмәсе төрле күрсәтмә агитация белән бергә алып барыла.
Тематик мультфильмнар күрсәтү, танып-белүле һәм бик кызыклы конкурслар уздыру, шулай ук беренче медицина ярдәмен күрсәтү алымнарын манекенада күрсәтү балаларны аеруча шатландыра .
Чара ахырында балаларга истәлекле бүләкләр тапшырыла . Барлык балалар да үткәрелгән вакыттан,бүләкләрдән бик канәгать калалар һәм каникул вакытында үз-үзеңне тоту кагыйдәләрен үтәргә, шулай ук электрның нинди куркыныч булуын һәрвакыт истә тотарга вәгъдә итәләр. Җәйге каникуллар чорында, балалар һәм яшүсмерләр еш кына өлкәннәр игътибарыннан читтә калганда, энергообъектларда травматизмны профилактикалау темасы аеруча актуальләшә бара.
Сак булыгыз! Балаларыгызның тормышын һәм үз тормышыгызны саклагыз!