Гаиләләргә түләүләр турында

Түләүләр Татарстан Республикасы буенча җан башына уртача керем яшәү минимумы күләменнән артмаган гаиләләргә билгеләнә-10 756 сум.

Кем түләүләрне ала алачак ?

Айлык түләү алу хокукына ата-аналарның берсе яки РФ гражданы булган һәм РФ территориясендә яшәүче баланың законлы вәкиле ия, бала шулай ук РФ гражданы булырга һәм РФ территориясендә  яшәргә тиеш.

8 яшьтән 17 яшькә кадәр балары булган мохтаҗ гаиләләргә түләү һәр балага бер елга билгеләнә һәм гариза буенча озайтыла.

Ничек гаиләнең айлык керемен исәпләргә?  

Айлык керемне исәпләү өчен, гариза бирә торган айдан 4 ай артка кайтырга, ә аннары гаиләнең еллык керемен 12 айга һәм гаилә әгъзаларының санына бүләргә кирәк.

Гаилә кереме генә исәпкә алынамы?

Яңа айлык түләүләрне билгеләү турындагы карар, элеккечә үк, мохтаҗлыкны комплекслы бәяләү нәтиҗәләре буенча, ягъни гаилә керемнәрен, мөлкәтен, ата-анада эш хакы булуны яки аның обьектив сәбәпләр аркасында булмавын исәпкә алып,«нулевой керем»кагыйдәсе буенча кабул ителәчәк.

8-16 һәм 8-17 пособиеләр дә билгеләнергә мөмкинме?

Юк. Әгәр ата-анага 8 яшьтән 16 яшькә кадәр пособие 12 айга билгеләнгән булса, ә 8 яшьтән алып 17 яшькә кадәрге балалар өчен айлык түләү сорап яңа мөрәҗәгать  тапшырылмаган булса,яисә яңа мөрәҗәгать буенча бирмәскә дигән карар чыгарылса , элеккеге пособие түләү дәвам итәчәк.

Ялгыз ата-ана буларак, 8 яшьтән алып 17 яшькә кадәрге балалар өчен пособие алсам да, минем керемнәрем яшәү минимумыннан да кимрәк, миңа яңа түләүләргә гариза бирергә кирәкме?

 Әйе. Әгәр 8 яшьтән алып 17 яшькә кадәрге балалар өчен пособие алучы ялгыз ата-аналарның  гаилә керемнәре,   элеккечә үк яшәү минимумына җитми икән, аларга яңа гариза бирергә һәм арттырылган күләмдә, ягъни төбәк яшәү минимумының 50% ын түгел 75 яки 100%  ын ала башларга кирәк. Шул ук вакытта алдагы пособиене түләү автомат рәвештә туктатылачак.

Түләү нинди вакытка билгеләнә?

12 айга түләү билгеләнә, әмма бала 17 яшькә җиткәнче түгел.

Гаризаны кая бирергә?

Түләүләр социаль казначылык принцибы буенча билгеләнәчәк, ягъни гариза электрон рәвештә «Дәүләт һәм муниципаль хезмәтләрнең бердәм порталында» биреләчәк, аннары Пенсия фонды хезмәткәрләре барлык кирәкле мәгълүматны ведомствоара хезмәттәшлек тәртибендә алачак.

Элеккечә үк республиканың клиент  хезмәтләренә һәм КФҮ аша шәхси визит белән гаризалар бирү мөмкинлеге дә юк түгел.

Түләү кая күчереләчәк?

8 яшьтән 17 яшькә кадәрге балалар өчен айлык түләүләр  Мир картасы буенча банк счетларына да, шулай ук Россия почтасы аша  өйгә китереләчәк. Шуны истә тотарга кирәк, кредит учреждениеләре аша түләү өчен гаризалар тутырганда гариза бирүченең счет реквизитлары күрсәтелә, ә карта номеры түгел.

Түләүдән баш тарта алалармы?

Әйе, мәсәлән, мөрәҗәгать итүче гаиләсенең җан башына уртача кереме Татарстанда билгеләнгән яшәү минимумыннан артып китү сәбәпле. Икенче сәбәбе-мөрәҗәгать итүче тарафыннан «нулевой керем " кагыйдәләренә гадел булмаган бәя бирү. Өченче сәбәп-гариза биреп, гражданнар гаилә милкенә комплекслы бәя бирүне, ягъни күчемле яки күчемсез милек объектларының рөхсәт ителгән саныннан артуны исәпкә алмый.

  Түләү тиеш микәнне ничек белергә?

Дәүләт хезмәтләре Порталы аша гариза биргәндә гариза статусы турында хәбәр шунда ук барлыкка киләчәк.

Ата-ана тәрбиясеннән мәхрүм калган балаларга түләү кагылмыймы?

 Әйе. Түләү ятим балаларга да кагыла. Пособиене билгеләү өчен опекуннарга яшәү урыны буенча КФҮтә яки  Россия Пенсия фондының клиентлар хезмәтенә гариза бирергә кирәк.

  Түләүгә индексация булачакмы?

 Әйе. Айлык түләүләр ел саен 1 гыйнвардан артачак.