Район халкы бушлай орлыклар алды
Республика программасы ярдәмендә алексеевскилылар Казан базарларында үз участокларында үстерелгән яшелчәләрне сату мөмкинлегенә ия.
Лебедино авыл җирлеге башлыгы мәктәпкә һәм авыл халкына суган, кишер, чөгендер орлыкларын тапшырды.
Юрий Тюкарев мәктәп директоры Светлана Варламовага 23 килограмм орлык суганны, бер килограмм чөгендер һәм кишер орлыгын тапшырды.
«Безнең мәктәп бу программада беренче ел гына катнашмый инде. Һәр язны мәктәп яны участогында укучылар белән бергә чәчәбез, җәй буе карыйбыз һәм көзен уңыш җыябыз. Үстерелгән яшелчәләрне Алексеевск РайПОсына тапшырабыз, һәм алар уңышны шәһәр ярминкәләрендә саталар. Узган ел без 300әр килограмм суган, чөгендер һәм кишер саттык. Бу программа безгә бик кызыклы: без мәктәп кирәк-яраклары өчен акча алабыз, кышка яшелчә белән тәэмин итәбез, һәм балалар, яшелчә үстерү күнекмәләрен алып, хезмәткә өйрәнә. Безнең мәктәптә 47 укучы, һәм барысы да, беренче сыйныфлардан тыш, ярдәм итә, без аларны эшкә җәлеп итмибез», - ди мәктәп директоры.
«Безнең җирлектә бу программа биш елга якын тормышка ашырыла. Егерме күп балалы һәм мохтаҗ гаилә һәр төрле орлыкны килограммлап ала алачак. Халыкка бу бик ошый, алар хәтта күбрәк алырга әзер», - ди җирлек башлыгы Юрий Тюкарев.
Лебединолылар да аның сүзләрен раслый.
«Көз көне алачак барлык артык уңышны без сатачакбыз. Узган ел якынча 200 кг суган һәм 150 кг кишер саткан. Безнең РайПОга бирделәр. Бу бик уңайлы, әлбәттә, безнең үз орлыкларыбыз да бар, әмма алар җитәрлек түгел, һәм хәзер алар бик кыйммәт тора. Шунысы да сөендерә, безне сан белән генә чикләнмиләр: башта үзебез өчен запас ясыйбыз, ә калганын сатабыз», - дип уртаклашты авылда яшәүче Елена Тюкарева.
Орлыкларны тапшыруны «Татпотребсоюз» идарәсе рәисе урынбасары Ренат Бикбов шәрехләде, ул матбугат туры кысаларында Лебединода булды. Ул билгеләп үткәнчә, көз көне авыл кешеләреннән җитештерелгән продукцияне базар бәясеннән сатып алалар.
«Гомумән алганда, без республикага 10 миллион сумлык орлык сатып алдык. Суган орлыгы, чөгендер һәм кишерне без хәзер бирәбез, ә май аенда кәбестә үсентеләрен тапшырачакбыз», - дип белдерде Ренат Бикбов.
Орлык районның барлык 19 авыл җирлегенә һәм 31 мәктәбенә тапшырылды.