Файдалы каникуллар

Районның Дәүләт автоинспекциясе хезмәткәрләре язгы каникул чорында балалар юл-транспорт травматизмын профилактикалауга һәм балигъ булмаганнар белән юл-транспорт һәлакәтен булдырмауга юнәлтелгән чаралар үткәрә. Юл хәрәкәтендә катнашучы һәр кешенең үз-үзен һәм юлда якыннарын мөмкин кадәр күбрәк яклау көченнән килә.
"Статистик мәгълүматларга анализ күрсәткәнчә, җылы язгы көннәр җитү белән балалар урамнарда булачак, спорт дәресләре үткәрү урыннарына һәм велосипедларда уен мәйданчыкларына йөриячәк, шуның белән юл-транспорт һәлакәтенә эләгү куркынычы янаячак", - дип билгеләп үтте Алексеевск районы буенча ЮХИДИ бүлеге җитәкчесе Руслан Шакиров.
Мәктәп укучыларына һәм аларның әти-әниләренә юл өлешендә, шулай ук ишегалларында һәм җәяүлеләр кичүендә килеп чыккан куркыныч хәлләр турында искә төшерделәр.
"Балалар өчен юл хәрәкәте кагыйдәләрен үтәүдә ата-аналар үрнәк булып тора", - дип йомгак ясады Руслан Шакиров.