ЮХИДИ инспекторлары Сахаров мәктәбе укучыларына «юл капкыннары» турында сөйләделәр.

Өлкән инспектор Илшат Нуретдинов һәм “Юл хәрәкәте иминлеге” ДБУнең Чистай бүлеге начальнигы Светлана Сидорова балаларга кышкы чорда юлларда, ишегалларында һәм җәяүлеләр кичүләрендә барлыкка килергә мөмкин булган куркыныч хәлләр турында искә төшерделәр. Мәктәп кунаклары юл өлеше күчкәндә саклык һәм игътибар туплауның мөһимлегенә аерым игътибар юнәлтте, еш кына җәяүлене, ә бигрәк тә бала, тәүлекнең караңгы вакытында машина йөртүчегә күренми башлый, дип билгеләп үтте.
Чара барышында балалар юллардагы бәхәсле хәлләрне тикшерделәр, юл билгеләренең әһәмиятен өйрәнделәр, шулай ук юл хәрәкәте кагыйдәләре буенча дискуссиядә бик теләп катнаштылар һәм юлда куркынычсыз тәртип буенча белемнәре белән уртаклаштылар.
“Теоретик белемнәрне балалар һичшиксез практикада кулланыр дип өметләнәбез”, - дип билгеләде Светлана Сидорова.