Капиталь үзгәрешләр: төзелеш һәм ремонт

Биләрдә мәктәп ныклап төзекләндереләчәк, ә Лебединода балалар яңа бинага күчәчәк.

Районда социаль объектлар төзелеше барышы турында тулырак

"Стройдорсервис +" хезмәткәрләре район үзәгенең икенче мәктәбе укучылары өчен яңа спорт залы төзүне дәвам итәләр. Җиңү паркының өченче чиратын төзекләндерү дәвам итә. Республика көненә, ягъни 30 августта, Чиркәү мәйданында төрле төстәге фонтаннар эшли башлаячак. Мәгариф учреждениеләрен зур үзгәрешләр көтә. Биләр авылында мәктәпне капиталь ремонтлау төгәлләнде диярлек. Лебединода мәктәп шулай ук ныклап төзекләндереләчәк һәм яңа уку елында ук аның белән авыл балалар бакчасы берләшәчәк. Кайнар ризык белән тәэмин итү сыйфатын яхшырту өчен район үзәгендәге беренче, өченче һәм дүртенче мәктәпләрдәге азык-төлек блокларына, шулай ук Биләр авылында мәктәпләргә капиталь ремонт ясала. Өстәвенә, анда кухня җиһазлары да алмаштырылачак. Урта Тигәнәле авылындагы ФАП капиталь ремонт төгәлләнү алдында. Кыр Шонталысында модульле ФАП төзелеше 70% ка төгәлләнгән. Шулай ук «Социаль ипотека» программасы буенча торак төзелеше алып барыла. Сүз Салих Батталдагы биш фатирлы йорт турында бара. «Каенкай» бакчачылык ширкәте бакчаларына барып җитү уңайлырак булачак. Коммерцияле булмаган бакчачылык ширкәтенә яңа юл салачаклар.

Төньяк урамында юл полотносын капиталь ремонтлау тәмамланып килә. Шунда ук төзүчеләр тротуарны төзекләндерәләр. Бу урамда хәрәкәт берьяклы булачак: Совет урамыннан Гагарин урамына таба юнәлеш буенча.