Авыл халкына спорт бүләге

Юеш Көрнәледә «Татнефть» грантына спорт мәйданчыгы ачтылар.

18 август көнне Юеш Көрнәле мәктәбендә «ТАТНЕФТЬ» хәйрия фонды проекты кысаларында яңа спорт-тренажер мәйданчыгын ачу тантанасы узды. Хәзер мәктәптә саф һавада физкультура дәресләре үткәрә, шулай ук мәйданчыкта төрле ярышлар һәм бәйрәмнәр оештыра алалар. Ачылу тантанасында мәртәбәле кунаклар: Родина колхозы рәисе Ильяс Әхмәтов, Бутлеровка авыл җирлеге башлыгы Ирина Хушанова катнашты. Алар балаларга һәм педагогларга сәламәт яшәү рәвешен саклап калуларын теләделәр. «Грант алган өчен хәйрия фондына, шулай ук мәйданчыкны урнаштыруда ярдәм иткән спонсорларга без бик рәхмәтле. Бу - «Родина» колхозы, авыл җирлеге башкарма комитеты. Иганәчеләр Илшат Гомәров зур ярдәм күрсәтте,

Мансур Хәлиуллин, Александр Калинин, Рамил

Әхмәтҗанов, Рәшит Зарипов. Шулай ук мәйданчыкны һәм тренажерларны урнаштыруда һәм төзекләндерүдә ярдәм иткән авылдашларыма рәхмәт әйтәсем килә», - ди мәктәп директоры Риналь Халитов.