"Олимп" патриотларны тәрбияли
Шушы көннәрдә «Олимп» палаткалы лагерында узган «Яшьармеец»хәрби-патриотик сменасы тәмамланды.
Җиде көн дәвамында Биләр, Зирекле, Левашево һәм Алексеевск хәрби-патриотик клубларында катнашучы 60 кеше хәрби әзерлек белән шөгыльләнде, спорт һәм мәдәни чараларда катнашты. Лагерьның соңгы чарасы «Йолдыз» хәрби-тарихи клубының күчмә интерактив күргәзмә-лекциясе булды. Владислав Осянин малайларга һәм кызларга эзләү эшләре турында сөйләде, Бөек Ватан сугышының башлангыч чоры, шул чордагы солдатларның униформасы һәм кирәк-яраклары турында лекция үткәрде.
"Лекциядән соң балалар сугыш урыннарыннан эзтабарлар күтәргән, ул елларда корал тоткан һәм хәрби форма кигән сугыш артефактларына кагылдылар. Аларның очкынлы күзләрен һәм тарихыбыз белән кызыксынуларын күрү бик күңелле булды", - диде Владислав Александрович.