Балалар лагерьларының иминлеге - аерым контрольдә
Алексеевск һәм Балык Бистәсе муниципаль районнары буенча күзәтчелек эшчәнлегенең районара бүлеге хәбәр иткәнчә, 2021 елның җәйге каникуллары чорында Алексеевск районы территориясендә 22 мәктәп яны лагере, 1 палаткалы һәм бер стационар лагерь эшли. Лагерьларның янгын куркынычсызлыгын тәэмин итү максатыннан, барлык балалар лагерьлары да эшли башлаганчы МОНД хезмәткәрләре тарафыннан тикшерелде. Чара барышында лагерь хезмәткәрләренә инструктаж үткәрелде, бина, территорияне янгын куркынычсызлыгы таләпләренә туры китерү буенча тикшерү үткәрелде. Күзәтчелек чаралары барышында тышкы янгынга каршы су белән тәэмин итү чыганакларының булуына һәм төзеклегенә, су алу шартларына аерым игътибар бирелде. Биналарга, корылмаларга, янгын гидрантларына илтүче юлларны һәм подъездларны төзек тоту. Гомуми кулланылыштагы территорияләрне беренчел янгын сүндерү чаралары һәм янгын инвентаре белән тәэмин итү. Корылмалар биналарын янгынга каршы саклау системалары һәм чаралары (янгын сүндерү һәм сигнализациянең автоматик җайланмалары, янгын турында хәбәр итү системалары, янгынга каршы киртәләр) булу һәм төзеклеге. Эвакуация юлларына һәм чыгу юлларына норматив документлар таләпләре. Электр үткәргечләрен һәм кабельләрен куллану. Җитәкчеләргә хокук бозу очракларын ачыклаганда, лагерьлар эшли башлаганчы, кагыйдә бозуны бетерү турында күрсәтмә бирелгән.
Үткәрелә торган эш нәтиҗәсендә 74 янгын куркынычсызлыгы кагыйдәләрен бозу очрагы ачыкланды, шуларның 61е Алексеевск һәм Балык Бистәсе МР күзәтчелек эшчәнлеге районара бүлеге күрсәтмәләре нигезендә бетерелгән. Һәм барлык лагерьлар да янгын куркынычсыз хәлдә дип ышанып әйтергә була.