Сугыш ветераннарына хөрмәт һәм игътибар белән

Район башлыгы Сергей Демидов 9 Май - Җиңү көне уңаеннан тыл хезмәтчәне Анастасия Сухареваны котлады.

Бөек Ватан сугышы башланыр алдыннан Анастасия Васильевна Сахаровка башлангыч мәктәбенең өч сыйныфын тәмамларга өлгерә. Сугыш елларында ул басуларда эшли, бодай, арыш яудыра. Урып-җыю вакытында ындыр табагында эшли Сугыштан соң кияүгә чыга. Гаиләдә кызы туа. Анастасия Васильевна пенсиягә чыкканчы “Куянкай” балалар бакчасында эшли, әмма лаеклы ялга чыккач, ул эшсез утыра алмый һәм район хастаханәсенә санитарка булып эшкә урнаша.
Бүгенге көндә Анастасия Васильевнаның өч оныгы һәм дүрт оныкчыгы бар.
Сергей Демидов ветеранга бүләк һәм азык-төлек җыелмасы тапшырды. "Бөек Ватан сугышы елларында сезнең изге батырлыгыгыз - безнең буыннар хәтерендә мәңгегә. Сау һәм нык булыгыз. Сезне якынлашып килүче бәйрәм, Җиңү көне белән. Рәхмәт Сезгә, Анастасия Васильевна", - дип мөрәҗәгать итте Сергей Демидов ветеранга.

Бүләкләр тапшыруның җаваплы миссиясе депутатлар корпусына һәм авыл җирлекләре җитәкчеләренә йөкләнгән. Бәйрәм җыелмаларын Бөек Ватан сугышы ветераны статусына ия булган алексеевскилыларның барысы да алачак.