Алексеевск районы эшмәкәрләренә кайбер шартлар турында сөйләделәр

Очрашу илебезнең салым законнарындагы үзгәрешләргә багышланган иде.

Эшкуарлыкка ярдәм итү фонды вәкиле Сергей Чунин законнардагы яңалыклар турында доклад белән чыгыш ясады. 1 гыйнвардан эшмәкәрләр «Керемгә бердәм салым» (ЕНДВ) махсус салым режимын куллана алмый. Бу чорга кадәр эшкуарлар башка режимга күчмәсә, алар автомат рәвештә Салым салуның гомуми системасына күчереләчәк. Шуннан соң ул бизнес вәкилләренә Татарстанда эшләп килүче эшмәкәрләр һәм үзмәшгульләр өчен салым салу режимнары турында җентекләп сөйләде.  

Салым салуның патент һәм гадиләштерелгән системалары турында Эшкуарлар хокукларын яклау буенча вәкаләтле вәкилнең җәмәгать вәкиле Татьяна Ястребова сөйләде. Ул бухгалтерлык исәбен алып бару тәҗрибәсе белән уртаклашты, әлеге режимнарның уңай һәм тискәре яклары турында сөйләде.

Салым хезмәте инспекторы Светлана Ищенко вакытлы керемгә салымнан (ЕНДВ) китүгә бәйле мизгелләрне аңлатты.

Шунысын да билгеләп үтәргә кирәк, залда утырган эшмәкәрләр актив рәвештә эшкә кушылды һәм чыгыш ясаучыларга сораулар бирде.

Очрашу ахырында башкарма комитет җитәкчесе Олег Гайнуллин эшмәкәрләргә уңышлар теләде һәм кече һәм урта бизнес вәкилләренә һәрьяклап ярдәм күрсәтергә әзер булуын белдерде. Шулай ук ул мондый очрашуларны даими итәргә, тыгыз элемтәдә торырга һәм икътисадта да, гомумән җәмгыятьтә барган үзгәрешләргә оператив рәвештә реакция белдерергә тәкъдим итте.