5,8 мең гектардан артык: «Алга» ҖЧҖендә көнбагыш чәчүгә керештеләр
«Алга» ҖЧҖендә чәчү кампаниясендә иң мөһим культураларның берсе булган көнбагыш чәчүгә керештеләр. Эшләр ике сменада оештырылган, бу югары темпны сакларга мөмкинлек бирә.
Хәзер предприятие кырларында «Гаспардо»чәчкечләре белән куәтле дүрт К-700 тракторы эшли. Параллель рәвештә тагын дүрт агрегат чәчү алдыннан культивация алып бара-бирелгән ритмны киметмәс өчен алдан эшлиләр.
Планда каралган тәүлеклек йөкләнеш 800 гектарга җитә. Быел көнбагыш өчен барлыгы 5 817 гектар җир бүлеп бирелгән.
Чәчү өчен җирле климат шартларында үзен яхшы яктан күрсәткән «Тальда» сорты сайланган. Уңай һава торышы булганда, аграрийлар кампанияне 9 майга төгәлләргә ниятлиләр.
Хуҗалыкта ассызыклыйлар: хәзер югары темпны саклап калу бик мөһим — бөтен сезонның нәтиҗәсе турыдан-туры шуңа бәйле.
«Алга» ҖЧҖ чәчүне ике сменада алып бара, бу исә техниканы һәм көн яктысын мөмкин кадәр нәтиҗәлерәк файдаланырга мөмкинлек бирә. Предприятиедә чәчү барышы язгы культураларның шактый мәйданнарын үз эченә ала.