Бәйрәмгә үзләренә бүләк ясадылар

Күптән түгел без, 1нче мәктәпнең кызлар командасы “Мәктәп баскетбол лигасы” зона ярышларында отты һәм иң яхшылар исәбендә Татарстан Республикасы чемпионатының финалына үтте, дип хәбәр иткән идек.

Финал 23-25 фев-ральдә Аксубайның спорт комплексында үткәрелде. Һәрвакыттагыча, безнең инде бу дүртенче тапкыр катнашуыбыз иде, ярышлар киеренке һәм үзенчәлекле булып чыкты. Ләкин бу юлы алар үзенчәлекле булулары белән аерылып тордылар. Беренче, икенче, өченче һәм дүртенче урыннар өчен хәлиткеч уеннар үткәрелгән соңгы көндә аларга танылган спортчылар, Олимпия чемпионнары Светлана Антипова белән мәктәп баскетбол лигасының почетлы президенты, Халыкара баскетбол федерациясенең тануынча, Европаның иң яхшы ХХ гасыр баскетболчысы Сергей Белов та килде.
Баскетболчыларыбыз тренер Борис Малафеев җитәкчелегендә үзләрен бик яхшы яктан күрсәттеләр һәм эзлекле рәвештә Аксубай, Яр Чаллы, Әлмәт, Балтач, Казан командаларын җиңеп, беренче урынны алдылар.
Моннан тыш, Марина Бурмакина бу ярышларның (MVP турнирының) иң кыйммәтле уенчысы дип танылды, ә Катя Гайнетдинова снайперлар конкурсында җиңеп чыкты. Алар икесе дә–Олимпия чемпионнары кулыннан бүләкләр, ә команда медальләр һәм кубок алды. Моннан тыш, Алексеевск баскетболчылары Идел буе федераль округы чемпионатына юллама алдылар, анда Татарстанның мәктәп баскетбол командасын тәкъдим итәчәкләр.