Иң яхшы игенчеләрне билгеләп үттеләр

Сентябрь аендагы һава торышы югары темпта яңа уңыш ашлыгын җыярга мөмкинлек бирә. Авыл хуҗалыгы предприятиеләре тарафыннан планлаштырылганның 88%ы җыелган инде. 46 мең гектардан артык мәйданда 163 мең тонна ашлык җыелган.

Эре хуҗалыклар барлык мәйданның 90%тан артыгын җыеп алды инде. Әйтик, 3 сентябрьгә КВ Агро бүлекчәләрендә инде 94%, ә «Алексеевский» ФҖндә - планнан 90%.

Атна башында иң яхшы комбайнчыларны акчалата премияләр белән бүләкләделәр. Район башлыгы Сергей Демидов һәм биологик ресурслар буенча Татарстан Республикасы Дәүләт комитеты рәисе Федор Батков алдынгыларга сертификатлар тапшырдылар. Алар арасында комбайнчылар Зәфәр Вәлиуллин (Хәмәтвәлиев КФХ), Алексей Сяркин (Батдалов КФХ), Айрат Абдрахманов («Алга» колхозы), Владислав Кирилов, Михаил Харлампьев («Алексеевское» НП), Валерий Левин һәм Дмитрий Свистунов («Төньяк Алексеевское» ВЗП) бар иде.

Шулай ук «Биләр» ВЗПыннан Наил Гәрәев һәм «Родина» колхозыннан Сергей Баранов та билгеләп үтелде. Ә «Алга» колхозыннан Ильяс Садыйков бөртеклеләр чаптыруда эшләүче механизаторлар арасында иң яхшысы булды.