Хәтер - гранитта
Узган чәршәмбе, 24 июнь көнне, Җиңү паркында сугыш чоры балаларына багышланган монумент ачтылар.
Тантаналы чарада район башлыгы Сергей Демидов, ТР Дәүләт Советы депутаты Фоат Вәлиев һәм район активы катнашты.
Сергей Демидов сугыш чорының куркыныч истәлеген мәңгеләштерү әһәмиятен билгеләп үтте: «Тыл хезмәтчәннәренең һәм балаларның тырышлыгы белән Бөек Ватан сугышыннан соң җимереклектән бөек ил күтәрелде. Бүген безнең бурыч - сугыш турында тарихи дөреслекне, исәннәр һәм үлгән геройлар турында истәлекне саклау», - дип билгеләп үтте Сергей Анатольевич.
«Сугыш чоры балаларына» һәйкәлен төзүдә намуслы хезмәте һәм инициативасы өчен җитәкче Илгиз Зәйдәров җитәкчелегендәге «Стройдорсевис+» коллективы район Башлыгының Рәхмәт хаты белән бүләкләнде. Ачылу тантанасы барышында Сергей Демидов «Сугыш чоры балаларына» һәйкәле эскизы авторы Наталья Осянина белән дә очрашты (фотода). Кыз әлеге проект өстендә ничек эшләве турында сөйләде.
24 июнь-илебез өчен үзенчәлекле көн: 75 ел элек Кызыл мәйданда Советлар Союзының Бөек Ватан сугышында нацистлар Германиясен җиңүен символлаштырган тарихи парад булды.
