Үз вакытында бүләк
Биләр мәктәбенең 11 сыйныф укучысы Дарья Фадеева бүләккә планшет алды.
Дарья (фотода сулдан) кооператив институты оештырган конкурста җиңгән өчен кыйммәтле бүләк белән бүләкләнде. Югары уку йорты җитәкчелеге актив тормыш позициясе өчен якташыбызны бүләкләде һәм жюри хөкеменә тәкъдим ителгән конкурс эшен югары бәяләде. Фадеевлар гаиләсе – күп балалы гаилә. Олы кызлары кияүдә, ә Дарьяның сеңлесе һәм абыйсы - шулай ук укучылар.
Планшет хәзер бик урынлы: мәктәп укучылары дистанцион укуда. Ә бу гаиләдә мәктәп укучылары өчәү, һәм бер булган компьютерны үзара бүлешү җиңел түгел.
"Мондый бүләк өчен зур рәхмәт, - дип уртаклаша Дарья, - хәзер мин, дәресләрне өйрәнү өчен, укытучыларга өй эшләрен оператив рәвештә җибәрә алам һәм өй компьютерына чират көтмим".
Ә без искә төшерәбез, республикада хәйрия акциясе эшли башлады: теләге булган һәркем мәктәпкә файдалануга кирәксез яисә яңа гаджет бирә ала. Җыелган техниканы кулланырына компьютер, смартфон яки планшет булмаган балаларга тапшырачаклар.
Бәлки, кемдәдер запас мобиль телефоннар, мониторлар, клавиатура, мышка, веб-камералар, наушниклар һәм дистанцион уку өчен яраклы башка техника бардыр. Аларны үз мәктәбегезгә алып килегез һәм балаларга ярдәм күрсәтегез. Консультация өчен телефон 2-39-49.