Юл күрсәтүче   "Навигатор"

Киләсе атнада районда " Яшь гражданнар форумы» узачак. Әлеге вакыйга алдыннан Алексеевск районы мәктәпләренең балалар оешмалары лидерлары һәм активистлары кергән «Навигатор» район ассоциациясе турында сөйлибез. "Навигатор" балалар иҗаты үзәге базасында эшли. Әлеге ассоциациянең максаты - укучыларның актив гражданлык позициясен формалаштыру, районның балалар оешмалары әгъзаларын иҗтимагый әһәмиятле максатларны тормышка ашыру
 өчен уртак программалар, проектлар нигезендә берләштерү.

-  Сентябрьдә «Навигатор» активы район балалар хәрәкәтенә икенче сулыш бирде, - дип сөйли балалар иҗаты үзәгенең оештыру-массакүләм бүлеге мөдире Маргарита Аношина. - Башта һәр балалар оешмасында лидерлар сайланды, аннары алар барысы да «старт очрашуы”на чакырылды. Анда район үзәге активистлары мәктәп лидерлары өчен танышу, төркем эшләре буенча тренинглар оештырдылар. Шунда ук Алексеевск районында балалар хәрәкәтен үстерүнең төп юнәлешләре билгеләнде. Балалар оешмалары лидерлары үзләренең мәктәп балалар оешмасындагы эшчәнлекләрен тәкъдим иттеләр. "Старт очрашуы"нда "Навигатор" активистлары Валерия Маслова, Марсель Мәгыйзов, Алия Мусина, Аделина Назыйрова район ассоциациясе рәисе постына кандидатлар сайлау буенча үз программаларын тәкъдим иттеләр. Сайлау нәтиҗәләре буенча күпчелек тавыш Алия Мусинага бирелде. Яңа рәис инициативасы белән  районыбыз  балалар оешмаларының бердәм эш системасы булдырылды.
 Республика районнарында  активистлар өчен балалар хәрәкәтен алга җибәрү максатында  «Россия мәктәп укучылары хәрәкәте», балалар оешмалары берлеге, «Мөстәкыйль балалар», «Татарстан варислары берлеге» кебек  белем бирү сменалары үткәрелә. Укучыларыбыз сменаларның берсен дә калдырмыйлар, "Навигатор" активы сентябрь аенда Татарстан варислары берлегенең туган көненә,
Укытучылар көненә багышлап, "Мин коррупциягә каршы!» исемле социаль акцияләр оештырды. Бистәнең җәмәгать урыннарында  наркотикларга каршы
"Без сәламәт яшәү өчен! Ә сез?» дигән акция үткәрелде. Татарстан Конституциясе көненә «Навигатор» активы бистәнең мәктәп яны лагерьларында тәрбияләнүчеләр өчен чара үткәрде. Чара бию флешмобы белән тәмамланды.

Һәр чарага балалар күп көч куя. Башкарылган эш нәтиҗәләре буенча зур булмаган анализ ясала, әзерлек эшләре һәм чаралар үткәрүнең уңай һәм тискәре яклары тикшерелә. Шулай итеп, алар алларына максатлар куярга, аларга ирешергә өйрәнәләр. Районда балалар хәрәкәтен алга этәргән өчен актив Казан шәһәренә бару белән бүләкләнде. Балалар «Россия - минем тарихым» мультимедиа паркында «Сәнгатьләр  төне» Бөтенроссия акциясендә катнаштылар.
 «Навигатор» активының эшчәнлеге турындагы яңалыкларны «ВКонтакте» социаль челтәрендә һәм «Балалар иҗаты үзәге»
 сайтында күзәтеп барырга була. 

Егетләр яхшы  старт алды Алда бик күп планнар тора... ә иң якын чара – яшь гражданнар форумы, ул  актив, күп белергә теләүчән, үз-үзләренә ышанган егетләрне  яңадан берләштерә - бу яшь гражданнар форумы. Ул балалар инициативаларына ярдәм итүгә, республика районнарында иҗтимагый эшчәнлекне үстерүгә, һәр районның балалар иҗтимагый оешмаларына ярдәм итүгә, шулай ук балалар һәм яшьләр проблемаларын ачыклауга һәм хәл итүгә юнәлдерелгән. Форумга 12-18 яшьлек балаларның гражданлык активлыгына битараф булмаган 100 бала гариза биргән инде. Безнең активистларга үз идеяләрен һәм проектларын яклау белән лаеклы чыгыш ясауларын телибез.