Район игенчеләре  игеннәрне урып-җыюны төгәлләп киләләр

5 сентябрьгә 41 мең гектар мәйдандагы ашлык суктырылды,  бу планның 83% ын тәшкил итә.

Барлыгы 105 мең тоннадан артык ашлык җыеп суктырылды. Уртача уңыш - гектарыннан 25,7 центнер.

Бөртеклеләрне күп мәйданга чәчмәгән   хуҗалыклар урып-җыюны төгәлләделәр инде. «Алга» колхозында урып-җыю эшләре ахырына якынлаша, анда барлык мәйданнарның 95% ы җыеп алынган. Районда иң югары уңыш «Родина» колхозында, анда гектарына 40 центнерга якын ашлык туры килә! Шулай ук районда борчак урып-җыю да төгәлләнде. Бу культура 8,5 мең тонна суктырылган.

Бөртекле көзге  культуралар чәчү дәвам итә. Көзге культуралар мәйданының 50% тан артыгы (13336 гектар) чәчелде инде.

Моннан тыш, кырларда салам пресслау һәм эскертләү  эшләре бара. Шулай ук  җир туңга сөрелә   - 5 сентябрьгә 12 мең гектар җир эшкәртелгән.