Тәҗрибә һәм яшьлек  көч сынашты

Алексеевск муниципаль районындагы  җирле җәмәгать оешмасы пенсионерларының “Ветераннар” командасы белән “Кайгырту” приютында тәрбияләнүче балаларның “Яшьләр” командасы арасында шахмат бәйгеләре булып узды.  

 Кунаклар һәм балалар үзара ярыштылар, җиңүләренә сөенделәр, бер-берсенә дусларча, ничек итеп җиңүче булырга, дигән киңәшләр бирделәр. Шахмат һәм шашка уеннарында җиңүчеләр билгеләнмәде – дуслык җиңде. Катнашучылар турнирдан канәгать калдылар, яхшы кәеф һәм уңай хис-тойгылар алдылар, киләчәктә, һичшиксез, яңа җиңүләр алып киләчәк яңа йөрешләр һәм партияләр өйрәнәчәкләренә ышандырдылар.

Катнашучылар, бер-берсе белән ярышып,  үзләре өчен билгеле бер уңышларга  ирештеләр, таныштылар һәм моннан ары да  аралашу һәм бер-берсенә ярдәм итешү мәсьәләләрен тикшерделәр.

Турнир дустанә мөнәсәбәттә узды, ярышлар азагында балаларның да, пенсионерларның да кәефе күтәренке иде. Чара тәмамлангач, катнашучыларның барысы да актив катнашканнары өчен дипломнар алдылар.