Хезмәтләре өчен билгеләп үтелделәр
Алексеевск районының икътисад буенча җитәкчесе Михайлова Лилия Васильевна күпьеллык нәтиҗәле хезмәте һәм Татарстан Республикасының социаль-икътисадый үсешенә зур өлеш керткәне өчен Татарстан Республикасы Икътисад министрлыгының Мактау грамотасы белән бүләкләнде.
***
Авыл хуҗалыгы производствосы ветераны Деляев Павел Петрович Алексеевск районының агросәнәгать комплексында күпьеллык намуслы хезмәте өчен һәм 70 яше тулу уңаеннан, Татарстан Республикасы буенча «Россельхозцентр» федераль дәүләт учреждениесе филиалы - Алексеевск бүлеге җитәкчесе Хамматгалиев Фәнис Фоат улы Алексеевск районының агросәнәгать комплексында күпьеллык намуслы хезмәте өчен һәм 50 яше тулу уңаеннан Алексеевск муниципаль районы башлыгының Мактау грамотасы белән бүләкләнделәр.