Бер мандатлы 44 нче Алексеевск округы буенча Татарстан Республикасы Дәүләт Советына сайлауларда  депутатлыкка кандидатлар күрсәтү этабы тәмамланды

Бердәм тавыш бирү көнендә, 8 сентябрьдә, алтынчы чакырылыш Татарстан Республикасы Дәүләт Советы депутатларын сайлау булачак.

 7 июльдә   бер мандатлы 44 нче Алексеевск округы буенча Татарстан Республикасы Дәүләт Советына сайлауларда  депутатлыкка кандидатлар күрсәтү этабы тәмамланды.

Кандидатлар күрсәтүгә документлар  округ сайлау комиссиясе тарафыннан 5 кандидаттан – өч  сәяси партия ( “Бердәм Россия” партиясе,  КПРФ, “Гадел Россия” партияләре) вәкилләреннән һәм ике үз-үзләрен күрсәтүчедән кабул ителде.

 2019 елның 24 июленә кадәрге срокта кандидатлар сайлау комиссияләренә теркәлү өчен документлар, шул исәптән сайлаучылардан үзләрен күрсәтүләрен яклаган имзалар тәкъдим итәргә тиешләр. Дүрт парламент партиясе –  “Гадел Россия”, “Бердәм Россия”, КПРФ, ЛДПР, шул ук партияләр күрсәткән кандидатлар - бер мандатлылар кебек үк,  имзалар җыюдан азат ителделәр.