Алексеевск ут белән көрәшүчеләре балалар белән профилактик дәрес үткәрделәр  

Янгын  кеше өчен һәрвакыт зур куркыныч тудыра, моның белән бәхәсләшеп булмый.  Ләкин өлкәннәр теләсә нинди янгынның куркынычы, шулай      ук янгын вакытында үзеңне ничек тотарга кирәклеге турында белсәләр, кечкенә балалар бу хакта белмиләр һәм янгын вакытында еш кына яклаучысыз калалар. Шул сәбәп аркасында  балаларны янгын куркынычсызлыгы кагыйдәләренә мөмкин кадәр иртәрәк өйрәтә башлау зарури. Балалар өчен янгын куркынычсызлыгы турында белү кайвакыт чит телләрне һәм математиканы белүдән дә  мөһимрәк. Әлеге грамотаның башлангыч мәгълүматларына кимендә 3-4 яшьтән үк өйрәтергә мөмкин. Моны уен формасында, балага тематик картиналар күрсәтеп,  шигырьләр укып һәм сораулар биреп  эшләргә кирәк. Балалар өчен янгын куркынычсызлыгы техникасы буенча дәресләр  мәктәпкәчә һәм мәктәп учреждениеләрендә үткәрелә. Ләкин өлкәннәргә дә бу мәсьәләдә аерым роль туры килә. Чөнки статистика  буенча фаҗигаләр нәкъ  менә алар өйдә булмаганда килеп чыга бит.

Бер үк күренешнең, бу очракта утның иҗади ягын да, җимергеч ягын да  сөйләргә һәм күрсәтергә, баланы саклык чараларына, шулай ук янгын килеп чыкканда аларның гомерен саклау кала алучы үз-үзеңне тоту кагыйдәләренә өйрәтү мәслихәт.

 Менә ата-аналарга  булышучы алымнар һәм дәресләрнең якынча исемлеге:

 • Әңгәмәләр:

- янгын сүндерүчеләр  үзләрен уттан ничек саклыйлар?

 - Янгын сүндерү чаралары.

 - Янгыннарның сәбәпләре.

- Өйдә янгын куркынычсызлыгы.

- Урманда янгыннар нәрсәләре белән куркыныч?

 • Иллюстрацияләр, плакатлар, художество иҗаты (рәсем ясау, аппликация); конструкцияләү.

• Тема буенча балалар әдәбиятын уку (С.Я. Маршак «Рассказ о неизвестном

герое», «Пожар», «Тревога», Л. Толстой «Пожарные собаки».)

• Тема буенча шигырьләр өйрәнү, табышмакларга җаваплар табу.

 •   «Песенка о пожаре» җыры белән танышу. Авторлары: В. Синенко көе,

«Талисман»  студиясе сүзләре, «Марш пожарных» маршы белән, Шубин көе һәм сүзләре.

• Уен эшчәнлеге  (дидактик, хәрәкәтчән, сюжет-роль уеннары).

Эшнең шушы барлык алымнары һәм формалары бер комплекста ата-аналарга һәм тәрбиячеләргә балаларны янгын кебек стандарт булмаган хәлләргә әзерләргә булышачак. Балалар  янгынның нәрсә икәнен, аның нәрсәсе белән куркыныч булуын, өйдә нәрсә дә булса яна башласа нишләргә кирәклеген һәм, киресенчә, янгын килеп чыкмасын өчен нәрсә эшләргә ярамавын нык итеп белсеннәр өчен мондый әңгәмәләрне даими  төстә үткәрергә кирәк.