Татарстан Росреестры булачак хезмәткәрләр белән очрашуда катнашты

Бүген Казан федераль университетының экологик һәм табигатьтән файдалану институтында потенциаль эш бирүчеләр студентлар һэм аны тәмамлаучылар белән очрашты. Татарстан Республикасы буенча Росреестр Идарәсеннән Евгения Бабич катнашты. Әлеге чара кысаларында Евгения Бабич булачак хезмәткәрләргә Росреестр эшчәнлегенең төп юнәлешләре, аның вазыйфалары һәм вәкаләтләре турында сөйләде. Шулай ук җитәкче урынбасары дәүләт гражданлык хезмәтенә эшкә керү, кадрлар резервына керү өчен гариза бирү тәртибен аңлатты һәм студентларны практика узу өчен Татарстан Республикасы буенча Росреестр Идарәсенә чакырды. Белешмә өчен: Татарстан Республикасы буенча Росреестр Идарәсенә дәүләт гражданлык хезмәтенә эшкә керү шартлары һәм тәртибе, булган буш урыннар турында мәгълүмат белән rosreestr.tatarstan.ru рәсми сайтында “Кадрлар сәясәте” бүлегендә танышырга мөмкин. Гаризалар дүшәмбе көнне - иртәнге 8 дән көндезге 12 гә кадәр, пәнҗешәмбе көнне 8 дән кичке 5 кә кадәр кабул ителә.