Дәүләт автоинспекциясе хезмәткәрләре яшь хәрәкәт инспекторлары отряды белән бергә профилактик акция үткәрделәр

Дәүләт автоинспекциясе хезмәткәрләре яшь хәрәкәт инспекторлары белән бергәләп өлкәннәр өчен “Сездән башка мөмкин түгел” дигән чакыру белән “Машина йөртүчегә хат“ исемле профилактик акция үткәрделәр. Татарстанның яшь хәрәкәт инспекторлары, 5 нче сыйныф укучыларын җыеп, автомобильчеләр игътибарын балалар юл-транспорт травматизмы проблемасына тарту максатында кул рәвешендә “Машина йөртүчегә хат” әзерләделәр. Балалар хатларында юлларда, транспортта йөргәндә юл хәрәкәте кагыйдәләрен үтәү турында яздылар. Шуның белән бергә хат авторлары, балалар ничек кенә тырышсалар да, өлкәннәрдән башка бернәрсә дә эшли алмыйлар, дип билгеләп үттеләр. 30 дан артык акциядә катнашучы яшь хәрәкәт инспекторлары җитәкчелегендә рульдә утыручы гражданнарга теләкләр язылган хатлар өләштеләр. Юл хәрәкәте кагыйдәләрен үтәү турында лозунглар белән ачык төстәге плакатлар һәм балаларның эчкерсез теләкләре машина йөртүчеләрне елмаерга мәҗбүр итте. Балаларның хәер-фатихаларын тыңлап, өлкәннәр, моннан соң транспорт чарасына идарә итүгә җаваплырак карарга һәм юл хәрәкәте кагыйдәләрен тайпылышсыз үтәргә вәгъдә бирделәр.