Чәчү төгәлләнеп килә. Район хуҗалыклары 41,5 мең гектарга якын сабан культуралары чәчтеләр. Шулардан бөртекле культуралар 24,3 мең гектар чәчелде.
Авыл хуҗалыгы берләшмәләре борчак чәчүне төгәлләделәр, хәзер арпа, көнбагыш, рапс һәм соя чәчүне төгәлләп киләләр. Хуҗалыклар силоска кукуруз чәчүгә керештеләр, ә “Родина” һәм “Алга” колхозларында карабодай чәчә башладылар.