Социаль пенсия - пропискасыз

Яшәү урыннары теркәлмәгән Россия гражданнары социаль пенсияне фактта яшәгән урыннары буенча билгели алалар

 Моннан соң  социаль пенсия билгеләү өчен  Россиядә яшәүне  РФ Пенсия фондына шәхси гаризаң яки кеше  тора –шундагы социаль хезмәт күрсәтү оешмалары, төзәтү учреждениеләре һәм белем бирү оешмалары биргән документлар белән раслатырга.

Исегезгә төшерәбез: социаль пенсия билгеләү өчен мәҗбүри шартларның берсе – Россия территориясендә даими төстә яшәү. Хәзер  теркәлмәгән пенсионерларга социаль пенсия алу өчен  елга бер тапкыр РФ Пенсия фондына шәхси гаризаң белән Россиядә даими яшәвеңне раслатырга кирәк.

 Дәүләт пенсия белән тәэмин итү турындагы Федераль закон нигезендә   социаль пенсиягә Россиядә даими яшәүчеләр хокуклы:

• Инвалидлар, инвалид балалар, балачактан инвалидлар  социаль пенсияне инвалидлык буенча алалар.
• Әти-әнисенең берсен яки икесен дә югалткан 18  яшькә кадәрге балалар яки көндез укучы 18 яшьтән узган балалар социаль пенсияне туендыручыларын  югалту аркасында алалар.
•  Әти-әнисенең икесе дә билгесез балалар социаль пенсияне   әти-әнисенең икесе дә билгесез булу аркасында алалар.
• 55 яки 50 яшькә җиткән (шул рәвешчә ир-атлар һәм хатын-кызлар)  аз санлы Төньяк халыклары вәкилләре  социаль пенсияне    картлык буенча алалар.
• Картлык буенча иминият пенсиясенә хокуклары булмаган 65,5 яшьлек ир-атлар һәм 60,5 яшьлек хатын-кызлар социаль пенсияне картлык буенча алалар.
• Россиядә кимендә 15 ел эшләгән һәм 65,5 яшькә (ир-атлар) яки 60,5  яшькә җиткән хатын-кызлар чит ил гражданнары һәм гражданлыклары булмаган затлар социаль пенсияне   картлык буенча алалар.