Алексеевск районы буенча үткәрелгән тикшерүләр һәм алкоголь продукциясен сату турында мәгълүмат

Алексеевск районында  алкоголь продукциясен  117  сәүдә объектында 15 оешма сата. Бу елның ике аенда  үткән елның шул ук чоры белән чагыштырганда алкоголь продукциясен сату 1,1 % ка кимеде. Республикада җитештерелгән алкоголь продукциясе сату  3 процентка азайды, шул ук вакытта аракы сату узган елгы дәрәҗәдә калды. 2019 елның агымдагы чорында җан башына алкоголь продукциясен сату күләме  1,5 л тәшкил итә. Белгечләр ике тикшерү үткәрде, алар барышында гамәлдәге законны ике бозу очрагы ачыкланды.

“Халык контроле” дәүләт мәгълүмат системасына биш мөрәҗәгать килде,  ике очракта алар расланды. Исегезгә төшерәбез:  район кешеләре өчен Алексеевск муниципаль районы сайтында  “Халык контроле” исемле өстәмә бит эшли, анда һәркем  үз хокукыннан файдаланып, алкоголь продукциясе әйләнешенә йогынты ясый һәм спиртлы эчемлекләрне законсыз сату фактлары турында хәбәр итә ала.

ТР Дәүләт алкоголь инспекциясенең Чистай территориаль органы