Алексеевскида чаңгы сезоны тантаналы төстә ябылды

 Алексеевскида 2019 елгы чаңгы сезоны тантаналы төстә ябылды. Ир-егетләр үз көчләрен - биш километрлы, хатын-кызлар  һәм укучылар өч километрлы дистанциядә сынадылар.

 Алексеевск бистәсенең чаңгы базасында соңгы кышкы ярышлар булды. Трассага 300 дән артык кеше чыкты.

 Ир-егетләр үз көчләрен биш километрлы дистанциядә сынап карадылар, хатын-кызлар  һәм укучылар өч километрлы дистанцияне  җиңделәр.   Бу ярышларда спортчылар парлы-парлы старт алдылар. Катнашучылар артык күп булганлыктан,  чаңгы юлына беренчеләрдән булып  өлкән катнашучылар, аннары балалар чыкты. Ярышлар балалар-яшүсмерләр спорт  мәктәбе директоры Рөстәм Кәбиров, туризм һәм экскурсияләр станциясе начальнигы Вячеслав Рыдаев катнашында узды.

Чара ахырында җиңүчеләргә һәм призерларга грамоталар һәм татлы призлар  тапшырылды. Шунысы мөһим: чаңгы базасы  үз эшен урманда кар эреп беткәнче дәвам итәчәк.