Ата-аналар өчен БДИ

2019  елның 26 февралендә Г.С.Боровиков исемендәге  3нче  Алексеевск урта мәктәбендә “Ата-аналарның рус теле буенча бердәм  дәүләт имтиханы тапшыру көне” Бөтенроссия акциясе булачак, аның инициаторы -  мәгариф һәм фән өлкәсендә (Рособрнадзор) күзәтчелек буенча Федераль хезмәт.

 Акциянең максаты - чыгарылыш сыйныф укучыларының ата-аналарына бердәм дәүләт имтиханын тапшыру процедурасын күрсәтү.  Акция  чыгарылыш сыйныф укучыларына һәм аларның ата-аналарына БДИга әзерләнгәндә артык киеренкелекне бетерүгә, җәмәгатьчелекне имтихан процедурасы белән яхшырак таныштыруга чакырылган.

Акция беренче тапкыр  2017 елның февралендә булды. Старт көнендә, 7 февральдә, аңа Россиянең 50 дән артык төбәгеннән өч меңнәр артык ата-ана катнашты. Акциядә катнашучылар аны уңай кабул иткәнлектән, чараны ел саен үткәрергә карар ителде.

Чыгарылыш сыйныф укучыларының ата-аналары, балалары белән урыннарын алмаштырып, металл эзләгеч рамкасыннан алып, дәүләт имтиханы нәтиҗәләрен алганчыга кадәр барлык БДИ процедураларын узачаклар.  Ата-аналарга  балалар Бердәм дәүләт имтиханын тапшырганда кичерә торган хис һәм тойгыларның  бөтен спектрын белү һәм үзләрендә тою мөмкинлеге бирелә. Ата-аналардан тыш, бу көнне  массакүләм мәгълүмат чаралары вәкилләренә дә имтихан тапшыру мөмкинлеге бирелә.

Чарада түбәндәгеләрне күреп булачак:

• Бердәм дәүләт имтиханына теркәүнең  ничек узуын һәм  аудиторияләрдә  утыртуның оештырылуын;  
•  БДИда катнашучыларның эш урыннары нинди булуын;
• Имтиханны тапшыру пунктында (ППЭ)   контроль-үлчәү материалларының (КИМ) ничек бастырылуын һәм күчермәсе ничек алынуын;
• 2019 елда БДИның контроль-үлчәү материаллары нинди булачагын.

 Башлана – иртәнге 8 дә. Имтихан вакытының озынлыгы - ике сәгать. Акциядә катнашуга гаризалар  “ТР Алексеевск муниципаль районы мәгариф бүлеге” муниципаль казна учреждениесендә кабул ителә (Алексеевск ш.т.б.,  Казаков урамы, 9б нчы йорт).