Алексеевскилылар - яшь патриотлар

17 ноябрьдә Яр Чаллыда Татарстан Республикасы  гомуми белем бирү мәктәпләре укучылары арасында спортның   “Россия коралчылары көне”нә багышланган хәрби- кулланма төрләре буенча ярышлар булып узды.

Алексеевск районы Биләр урта мәктәбенең “Яшьармияче”, Левашево мәктәбенең «Каскад» һәм “Зирекле” мәктәбенең “Яшьармияче-2”  хәрби-патриотик клублары җыелма командасын тәкъдим итте. Ярышларда 52 команда катнашты. Ярышта катнашучылар географиясе бик киң иде. Болар – Самара, Башкортстан, Удмурт Республикасы вәкилләре. Каты көрәштә  безнең команда  3 нче урынны алды. Ярыш йомгаклары буенча клуб җитәкчеләре  А.А.Чугуров, А.Г. Зудин һәм  П.В. Арсентьев  яшьләрне ватанпәрвәрлек рухында тәрбияләгәннәре һәм командаларны ярышка  яхшы әзерләгәннәре өчен Рәхмәт хатлары белән бүләкләнделәр.