Алексеевскилылар “Татарча диктант” акциясендә катнашырга чакырылалар

27 октябрьдә “2014-2020  елларга Татарстан Республикасы дәүләт телләрен һәм Татарстан Республикасында башка телләрне саклап калу, өйрәнү һәм үстерү” дәүләт программасын гамәлгә ашыру максатында   “Татарча диктант” белем бирү акциясе үткәреләчәк.

Акциянең максаты – теләге булган бөтен кеше өчен ирекле бушлай диктант, ул бер үк вакытта РФ һәм дөньяның төрле шәһәрләрендә узачак. Катнашучылар теркәләчәк һәм  диктантка кадәр 15 минут иртәрәк киләчәк. Акция үткәргән вакытта анда катнашучыларга мобиль элемтә чараларыннан, смартфоннардан, планшетлардан һ.б.лардан файдалану тыела. Диктантта катнашучылар барысы да  язу кирәк-яраклары белән тәэмин ителәчәкләр. Язылган диктантларын татар теле белгечләре тикшерәчәк, нәтиҗәләр 10 ноябрьдән соң катнашучының электрон почтасына җибәреләчәк. 15 ноябрьдә хаталар өстендә эшләү булачак.

 Акциянең максатлары һәм бурычлары: максаты –  татар телендә хатасыз язарга өйрәнү, әдәби татар телен кулланучылар санын арттыру, татар әдәбияты әсәрләренә киң җәмәгатьчелекнең игътибарын юнәлтү, орфографик һәм грамматик хаталарны үзең тикшерү.

Бурычлар:

• татар телен өйрәнү мотивациясен көчәйтү;
• халыкның татар әдәби теленең орфография һәм пунктуация нормаларын белү дәрәҗәсен ачыклау;
• халык арасында татар орфографиясе һәм пунктуациясен белүчеләрне ачыклау;
• язма сөйләмдә еш очрый торган хаталарны билгеләү;
• халык игътибарын грамоталылыкның кимү проблемасына җәлеп итү;
• үзлегеңнән белем алуны һәм грамоталылыкны күтәрүне стимуллаштыру.
  
  Оештыручылар:

1.     “Бөтендөнья татарлар конгрессы”  халыкара берлеге башкарма комитеты; 2.     Татарстан Республикасы Яшьләр эшләре  министрлыгы; 3.     Казан Идел буе университеты, Л.Н.Толстой исемендәге филология һәм мәдәниара коммуникация институты; 4.      “Каюм Насыйри институты” фәнни-белем бирү үзәге.  
 Акциядә катнашучылар: Акциядә яшенә, җенесенә, белеменә, нинди дин тотуына, һөнәренә, гаилә хәленә һәм мәнфәгатьләренә карамастан, теләге булган теләсә кем катнаша ала.   Өстәмә мәгълүмат алу өчен tatarchadiktant@gmail.com сылтамасына һәм  8(843)236-49-66 телефонына мөрәҗәгать итәргә.