Алексеевск районында "Автоледи-2018" бәйгесе старт ала

2018 елның 29 июлендә “автошәһәрчек” территориясендә конкурс үткәреләчәк, ул ике этапта узачак. Беренче этап – теоретик – юл хәрәкәте кагыйдәләрен белүгә. Аннан соң икенче этап үткәрелә, ул “Классика” дип атала. Билгеләнгән вакыт эчендә катнашучы хатын-кыз  сынау күнегүләре комплексы буенча автомобильдә эзлекле рәвештә маневрлар ясарга тиеш. Чара иртәнге 9 да башлана.

Конкурста катнашу өчен гаризаны түбәндәге адрес буенча  Алексеевск ЮХИДИ бүлегенә китерергә кирәк:  Алексеевск штб., Чистай урамы, 14 нче йорт, 2 нче кабинет яки 2-62-68, 89503129554 телефоны буенча шалтыратырга.

Шартлар:

• “В” категорияле машина йөртү таныклыгы;
• РФ территориясендә даими прописка;
• катнашучылар конкурста бары тик үз автомобильләрендә яки законлы нигездә башка автомобильдә генә  ярышалар.

Сөекле ханымнар һәм туташлар, сезнең машина йөртү осталыгыгызны күрсәтү мөмкинлегегез бар.