Су хаталарны кичерми

 

 

Күптән түгел Алексеевскиның бер хатын-кызы Кама елгасында батып үлде. Фаҗига җомга көнне, 13 июльдә булды.

Бу көнне кичке 7 тулырга 12 минутта полициянең оператив кизү торучысына Кама елгасында бер хатын-кыз батып үлде, дигән хәбәр килде. Ул үзен фаҗиганең шаһиты дип белдергән бер кызның мөрәҗәгать итүен әйтте. Аның сүзләренчә, ир-ат һәм хатын-кыз елгага кереп киткәннәр, ә аннан ир-ат кына чыккан. Бу хәл Алексеевск бистәсенең Пушкин урамы тирәсендә булган.

Урынган килгән коткару хезмәте хезмәткәрләрен 46 яшьлек граждан каршылаган, ул батып үлүченең үзенең 1973 елгы апасы булуын әйтте.

Коткаручылар шунда ук эзләү эшләренә керештеләр. Кичке 9 нчы яртыда 3 нче коткару отряды водолазлары ярдан 90 метр ераклыктан һәм 2,5 метр тирәнлектән хатын-кыз гәүдәсен тартып чыгаралар. Гәүдәне ярга чыгарып салалар һәм полиция хезмәткәрләренә тапшыралар.

Саннар: җәйге сезон башлангач, республикада 50 дән артык кеше батып үлде.

Коры Көрнәле авылы буасында ир-ат

батып үлде.

Ял көннәрендә Кыргызстаннан килгән 43 яшьлек граждан батып үлде. Бу хәл коену өчен билгеләнмәгән буада булды. Бу хакта 3 нче зона эзләү-коткару отряды (Алексеевск) хәбәр итте. Фаҗига ял көнне, 22 июльдә булды. Шаһитлар сүзләренчә, ир-ат ярдан 70 метр ераклыкта йөзә, шунда көтмәгәндә су астына китә. Ул авылга эшкә килгән Кыргызстан кешесе була. Вакыйга булган урынга эзләү-коткару төркеме белгечләре – 6 водолаз килә. Шулай ук фаҗига урынында Алексеевск районы полициясе, янгынга каршы хезмәте, Чистай тикшерү бүлеге хезмәткәрләре эшләде. Озакламый водолазлар ярдан 50 метрлар ераклыктан һәм 2,5 метр тирәнлектән гәүдәне тартып чыгардылар.

Татарстан Республикасында сулыкларда 9 кеше һәлак булды, бу –моңа кадәрге атнадан (6 кеше) 50 процентка күбрәк.

Хәзер хокук саклаучылар булган хәлне тикшереп ачыклыйлар.

Коену сезонының иң кызган чагы булганлыктан һәм район кешеләрен, шулай ук кунакларны  су үзенә тартып торганлыктан, Татарстан Республикасының Алексеевск районы буенча Гадәттән тыш хәлләр министрлыгы су алып килә торган куркыныч турында онытырга ярамавы турында кисәтә.

Шул уңайдан көн саен су яннарында кешеләр күпләп ял итә торган урыннарда җыелма патруль төркемнәренең патрульлек итүе оештырылган. Әлеге урыннарда кагыйдәләрне бозучы кешеләр административ җаваплылыкка тартылачаклар.

Тыела: кисәтү һәм рөхсәт булмау турында язылган щитлар куелган урыннарда  коену; җиһазланмаган, таныш булмаган урыннарда  коену; исерек килеш суга керү (штрафлар белән каты җәза биреләчәк); балаларга өлкәннәрдән башка коену; йөзү өчен билгеләнмәгән чараларда, әйберләрдә йөзү; билгеләнмәгән урыннарда коену.

Үзегезне һәм якыннарыгызны саклагыз.