Баланы юл куркынычсызлыгына өйрәтегез

Җәйге челлә һәм отпускта була торган кәеф аркасында күп кенә машина йөртүчеләрнең һәм җәяүлеләрнең уяулыгы кими. Шуның өстенә каникул вакытында балалар урамда күп йөриләр. ЮХИДИ инспекторлары алексеевскилылардан юлда сак булуларын сорый.

– Як-ягыңа карану һәм ашыкмау – машина йөртүчеләр өчен дә, җәяүлеләр өчен дә кирәкле күнекмәләр, –  ди ЮХИДИ начальнигы вазыйфаларын башкаручы Илнур Зиннәтуллин. – Моңа баланы өйрәтү бик мөһим. Җәяүле кичүе – машина йөртүче кешенең килеп чыгуын көтеп тора һәм аңа юл бирә торган урын. Бик еш машина йөртүчеләр бу вазыйфаларына төкереп карыйлар һәм аны-моны уйларга бик аз вакыт калдыралар. Мондый хәлдә җәяүледән дә күп нәрсә тора: ул юлга керер алдыннан үзенең куркынычсызлыгына ышанамы? Шуның өстенә Алексеевск юлларында еш кына балаларның җәяүле кичүен тиз генә йөгереп чыгарга карар итү очраклары бар. Бу –бик тупас хата. Практикадан күренгәнчә, мондый хәлләрдә машина йөртүче йөгерүчене абайлап алмаска  һәм аны артык соң күреп алырга мөмкин. Шуңа күрә беренче чиратта ата-аналарга мөрәҗәгать итәм: улларыгызның һәм кызларыгызның юлны яки җәяүле кичүен йөгереп чыгуын катгый тыегыз. Акрын гына йөргәндә аларны күреп алу мөмкинлеге күбрәк. Төнлә өс киемендә яки сумкада яктылык кайтаргыч элементларның булуы  турында онытырга ярамый. Ни кызганыч, җәяүлеләр машина йөртүчеләр аларны яктыртылмаган караңгы урыннарда да күреп алсыннар өчен  аз кайгырталар.
Балага юлда куркынычсызлык кагыйдәләрен үтәүне сеңдерү өчен ата-аналарның шәхси тәҗрибәсе кирәк: балалар өлкәннәр булып кыланалар һәм аларга карап, вак-төяк тәртип бозуларны норма итеп кабул итәргә күнекмәскә тиешләр. Саксыз җәяүленең теләсә кайсы кагыйдәләрне инкарь итүче  машина йөртүче булып үсү ихтималы да зур. Һәр кеше җыйнак һәм җаваплы булса, юлларны бераз куркынычсызрак итәргә була.