Алдан тавыш бирүдә катнашучыларның сайлаучылар белән очрашуы

Бүген, 17  июльдә, кичке 5 тә Алексеевск районында төп очрашу сайлаучылары белән  2018 елның 9 сентябрендә Татарстан Республикасында муниципаль берәмлекләр вәкаләтле органнарына “Бердәм Россия” партиясеннән депутатлыкка кандидатлар күрсәтү өчен кандидатуралар буенча алдан тавыш бирүдә катнашучылар очрашуы булды.  Очрашуны үткәрү өчен җаваплы  Галина Белова җыелучыларны сәламләп, болай диде:

- Хәерле көн, хөрмәтле очрашуда катнашучылар! Оештыру комитеты исеменнән  бу залда утыручыларның барысын да сәламлисем килә. Мәйданчык эшендә катнашу өчен теркәү йомгаклары буенча алдан тавыш бирергә ике кандидат килде. Залда шулай ук җирле сәяси совет әгъзалары, район активы,  Алексеевск шәһәр җирлеге, округ халкы да  килде.

Очрашуда Татарстан РеспубликасыДәүләт Советы Рәисе урынбасары, “Бердәм Россия” Бөтенроссия сәяси партиясенең территориаль төбәк бүлеге Секретаре урынбасары Юрий Камалтынов катнашты.

 Бүгенге чара  җирле үзидарә вәкаләтле органнарының депутатларын өстәмә сайлауга әзерләнү  кысаларында үткәрелде.

 Безнең районда  сайлаулар Алексеевск шәһәр җирлегендә бер мандатлы 8 нче сайлау округы буенча һәм өч авыл җирлегендә: Ромодан, Кыркүл һәм Зур Полянка җирлекләрендә узачак.  

 Барлыгы җирле дәрәҗәдәге дүрт депутат сайланачак.

 Очрашуда ике кандидат катнашты.

Берсе Алексеевск муниципаль районы башкарма комитеты җитәкчесе Демидов Сергей Анатольевич, икенчесе район башкарма комитетының инфраструктур үсеш бүлеге начальнигы Кәлимуллин Тимур Равил улы.

Катнашучылар кандидатлар фамилияләренең алфавит тәртибендә урнашкан чират буенча чыгыш ясадылар.

 Сергей Анатольевичның чыгышында конкрет округ кешеләреннән байтак сораулар яңгырады. Алар төзекләндерү, бистәне яшелләндерү, балаларның фәнни-техник иҗаты турындагы мәсьәләләргә кагылды. Барлык сорауларга да тулы җаваплар бирелде.

 Сүз уңаеннан әйткәндә, 9 сентябрьдә җирле үзидарәнең вәкаләтле органнары депутатларын өстәмә сайлаулар Татарстанның 42 муниципаль районында узачак. 247 мандатны алмаштыру планлаштырыла.

 “Бердәм Россия” 196 мандатка дәгъва кыла.

22 июльдә  “Бердәм Россия”  сайлауларга партиядән кандидатлар сайлап алу өчен Бердәм алдан тавыш бирү көнен үткәрәчәк.

 Алдан тавыш бирү турындагы Нигезләмә буенча  кеше саны 1000 нән артык булган сайлау округларында мондый тавыш бирү беренче модель буенча үткәреләчәк.

 Бу 9 сентябрьдә республикада өстәмә сайлауларда катнашырга ниятләүчеләрнең барысы да партиядән кандидатны алар белән очрашуга килеп һәм үзенә ошаган кандидат өчен 22 июльдә тавыш биреп, хәзер үк инде аңа бәя бирә алачаклар.

 Шул ук модельне сентябрьдә  депутатлар арасыннан район башлыкларын сайлаячак муниципаль районнардагы оештыру комитетлары да сайлады.

Ачык модель буенча муниципаль дәрәҗәдә  “Бердәм Россия”дән кандидатлар беренче тапкыр күрсәтеләчәк.

 17 июльдән 19 ына кадәр Татарстанда алдан тавыш бирүдә катнашучылар сайлаучылар белән очрашачаклар. Ә 22 июльдә әлеге сайлау округлары территориясендә  санау  участокларының  15 проценты (округка берәр участок) ачылачак, алар иртәнге 8 дән кичке 8 гә кадәр эшләячәкләр.

 Калганнарында  алдан тавыш бирү очрашулары сайлаучылар вәкилләре – башлангыч бүлекчәләр әгъзалары белән 22 июльдә узачак.