Алексеевскилыларның эссе волейболы

30 июньнән 2 июльгә кадәр Мамадыш районы Соколки бистәсенең алтынсыман ком  пляжында  пляж волейболы буенча Татарстан Республикасы беренчелеге булып узды.

Тренер Алексей Елдашев әлеге ярышлар турында болай сөйләде:

 - Беренчелек  2002-2003 елгы малайлар һәм кызлар арасында Б төркемендә (кечкенә шәһәрләр һәм авыл районнары) узды. Волейбол бәйрәменә 15 – малайлар,  19 кызлар командасы гариза биргән иде. Безнең районнан малайлар командасына Олег Холюнов, Антон Гордеев (тренерлары Абдуллин М.Г.); кызларның беренче командасына - Виктория Антонова, Надежда Тюрина, икенче командасына Регина Парфенова, Нина Антонова (тренерлары Елдашев А.К.) керде. Кызларның ике командасы да төркем этабында узган ярышлар призерлары - Сарман командалары белән очрашып, аларга оттырды. Беренче команда ышанычлы төстә Әлки-2 һәм Нурлатны, икенче команда Чирмешән командасын җиңде. Үз төркемнәрендә икенче урынны алып,   откан һәм оттырган туплар арасындагы аерма буенча Регина Парфенова һәм Нина Антонова плейофка эләктеләр. Биләр сигезлегендә Мамадыш-1 белән очраштылар һәм, тәҗрибәлерәк көндәшләренә оттырып, турнир таблицасында 8 нче урынны алдылар.

Левашево яшүсмерләре Мөслим-2 һәм Чирмешәнне җиңеп, үз төркемнәрендә җиңү яуладылар, алар да иң көчле командалар сигезлегенә эләктеләр.

Аннары  малайларыбыз жирәбә буенча узган ярышлар призеры Мөслим-1 белән уйнадылар  һәм 13:15 һәм 12:15 исәбе белән җиңелделәр. Исәпләнгән коээфициент буенча алар, зуррак көндәшләр белән уйнасалар да, таблицада 5 нче урынны алдылар.   

Бөтен малайлар һәм кызлар ярышлардан канәгать калдылар. Алар башка район балалары белән дуслаштылар.

Малайларга үзләренең яшь төркемнәрендә узачак киләсе ярышларда уңышлар телисем килә.