Алексеевск районында SOFT SKILLS BILER FORUM ябылды

2018 елның 25 июнендә  SOFT SKILLS BILER FORUM тантаналы төстә  ябылды. Биләрдә форумның палата лагере территориясендә узган ябылу тантанасында “Сәләт”  яшьләр оешмасының башкарма директоры Тимур Сөләйманов һәм Биләр дәүләт тарихи-археологик һәм табигый музей-тыюлыгы директоры Әнәс  Кутуев катнашты.

Ябылу тантанасын BILER FORUM җитәкчесе Тимур Җәүдәт улы  башлады.

– Форум нибары дүрт көнгә генә сузылса да, без барыбыз да бер-беребезгә ияләшеп беттек. Сезгә бер нәрсә генә телисем килә: биредә алган энергиягезне дөрес юлга җибәрегез. Әйдәгез, Биләр җиренә бердәм рәвештә “Яңа очрашуларга кадәр!” – дип әйтик.

– Киләсе елда бергәлеккә 25 ел булачак. Мин шул еллар буенасезнең белән янәшәдә булуыма шатмын. Күп бала үсеп җитте, хәзер “Сәләт”нең төрле лагерьләренә үз балаларын алып киләләр, – дип уртаклашты Биләр музей-тыюлыгы директоры Әнәс Кутуев.
Ә шул арада форумнар марафоны дәвам итә. Ата-бабаларыбыз җирендә чираттагы кунагыбыз ARTS BILER FORUM булачак.