Алексеевскилыларга чиратларда басып торырга туры килмәячәк: uslugi.tatarstan.ru электрон порталында хезмәтләр исемлеге киңәйде
ТР Хезмәт, мәшгульлек һәм социаль яклау министрлыгының Алексеевск муниципаль районындагы бүлеге хәбәр итә: Татарстан Республикасы Дәүләт һәм муниципаль хезмәтләр порталында (uslugi.tatarstan.ru) гаризаларны тулысынча социаль яклау органнарына килеп тормыйча гына электрон рәвештә бирүнең берничә мөмкинлеге бар:
– пенсионерларга юл йөрү өчен ай саен бирелә торган акчалата түләү билгеләү;
– балага ай саен бирелә торган пособие билгеләү;
– инвалидларга торак-коммуналь хезмәтләр өчен түләүләргә субсидия-ташламалар билгеләү;
– мәктәпкәчә учреждение өчен төп һәм өстәмә компенсацияләр билгеләү;
– күп балалы гаиләләрдә тәрбияләнүче балаларга юл йөрү өчен субсидияләр билгеләү,
- күп балалы гаиләләрдә тәрбияләнүче балаларга дарулар өчен субсидияләр билгеләү;
– 18 яшькә кадәрге өч һәм аннан күбрәк балалары булган гражданнарга субсидия-ташламалар билгеләү;
– күп балалы гаиләләргә торак-коммуналь хезмәтләр өчен түләүләргә субсидия-ташламалар билгеләү.
esia.gosuslugi.ru/registration сылтамасы буенча Бердәм идентификация һәм аутентификации (ЕСИА) системасында стандарт исәпкә алу язмасын теркәү социаль яклау органнарына шәхсән мөрәҗәгать итмичә әлеге акчаны алу шарты булып тора.