Алексеевск эшмәкәрләренең Татарстан Республикасы Премьер-министрының икътисад мәсьәләләре буенча киңәшчесе белән очрашуы
Алексеевск районының бизнес вәкилләре Татарстан Республикасы Премьер-министрының икътисад мәсьәләләре буенча киңәшчесе Илсур Сафиуллин белән очрашты. Сүз эшмәкәрләр кооперативлары булдыруның мөһимлеге, җирле эшмәкәрләрнең сәүдә челтәрләренә үз продукцияләре белән керү мөмкинлеге турында барды.
– Хәзерге үсә баручы бизнес дөньясында авыл хуҗалыгы җитештерүчеләренә, кече һәм урта бизнес вәкилләренә кооперативларга берләшергә кирәк. Җитештерелә торган продукциянең сыйфатын бер планкада тоту гына түгел, ә бәлки аны даими төстә күтәрү дә зарур, сез үз сатып алучыгызны кызыксындыра һәм тотып тора алачаксыз, – диде Илсур Сафиуллин.
– Икмәк кибете аның хуҗасыныкы түгел. Ул кибеттән икмәк сатып алучыларныкы, – дип кызыклы параллель үткәрде Илсур Миңнур улы.
Эшлекле сөйләшү барышында интернет-кибетләрнең файдасы турында сүз алып барылды, виртуль “авыл кибетләре”нең өстенлекләре һәм авыл җирләрендә шундый ресурсларны кертүгә кагылучы мөмкин булган катлаулылыклар тикшерелде.
Очрашу ахырында Татарстан Республикасы Премьер-министрының икътисад мәсьәләләре буенча киңәшчесе кызыклы һәм файдалы сөйләшү өчен рәхмәт әйтте, шулай ук кече һәм урта бизнес вәкилләрен якынлашып килүче бәйрәм – Эшмәкәрләр көне белән котлады.